दिपेन्द्र पौडेल, यूएई
नेपाली एसोसियसन यूएई एनआरएनए यूएईले आगामी अक्सोबर १ मा पासपोर्ट नविकरण शिविर गर्ने भएको छ । यूएईमा दुवई तथा आसपासका क्षेत्रमा रहेका श्रमिकको हितकालागि पासपार्ट शिविर क्याम्प गर्न लागिएको अध्यक्ष विकास शाहीले बताएका छन् । शिविरमा म्याद गुज्रिन लागेका नेपाली पासपोर्ट वाहकहरुले नविकरणका लागि समय खर्चेर राजधानि अबुधावी जानुपर्ने बाध्यतालाई मध्यनजर गर्दै यो शिविरको आयोजना गर्न लागिएको शाहीको भनाई छ । शिविरमा धेरै भन्दा धेरै श्रमिक नेपालीहरुलाई सहभागिताको आह्वन गरिएको छ ।
दुवईको डिआईपी १ मा हुने उक्त शिविरमा सहभागि हुनका लागि अग्रिम अनलाईन फर्म भर्नका लागि समितिका पदाधिकारीहरुलाई जिम्मा लगाईको छ । कार्यक्रम नवनिर्वाचित अध्यक्ष विकाश शाहीको घोषण पत्र अनुरुप नै गर्न लागिएको हो । म्याद सकिन लागेका पासपोर्ट बाहकले राजश्व बापत नेपाली एम्बेसीलाई नवीकरण २०० दिराम, पासपोर्ट विग्रेको हराएको भए ४०० दिराम
वच्चा वा नवजात शिशु १०० दिराम रकम बुझाउनुपर्ने यूवा संयोजक अपिल भट्टराईले जानकारी दिएका छन् ।
