दिपेन्द्र पौडेल/यूएई । संयुक्त अरब ईमिरेट्स (युएई) को फुजेराह क्षेत्रमा नेपाली राहदानी नविकरण तथा श्रमिक सचेतना घुम्ती शिविर हुने भएको छ ।
शिविर यही जनवरी १४ तारिख आइतबार दिन संचालन हुने नेपाल एसोसिएसन एनआरएनए एनसीसी यूएईका अध्यक्ष विकास शाहीले जानकारी दिए । नेपाली दुतावास यूएई र एनआरएनए एनसीसी यूएईको संयूक्त आयोजनामा हुन लागेको उक्त शिविर नेपाली दुताबास रहेको आबुधाबी देखि करिव ३ सय किलो मिटर दुरीमा रहेको छ । उक्त क्षेत्रमा कार्यरत नेपाली श्रमिकहरुले चर्को भाडा तिरेर जाने आउने समस्या देखि समय व्यवस्थापनमा समेत समस्या रहने हुदाँ उक्त शिविरको आयोजना गरिएको शाहीले उल्लेख गरे । गत २०२३ को अक्टोबर १ मा पनि दुवईको डि.आइं.बी.मा सोही खालको शिविर गरिएको थियो ।
उक्त शिविरमा सहभागी भई सेवा लिने सेवाग्राहीको अनलाईन आबेदन फारम संस्थालेनै निशुल्क भरिदिने एसोसिएसनका युवा संयोजक अपिल भट्टराईले जानकारी दिए ।
