दिपेन्द्र पौडल/दुबई । नेपाल देखि यूएई भिजिटमा गई यूएईको कानुन बमोजिम बैधानिक रुपमा काम गरिरहेका कामदारहरुका लागि नयाँ श्रम स्वीकृती नेपाली राजदूतावासबाट नै दिने प्रावधानको सुरुवात भएको छ । नेपाली राजदूतावास अबुधावीको कार्यक्रमलाई सम्बोधन गर्दै नेपाल सकारकार श्रम तथा रोजगार मन्त्रि सरद सिंह भण्डारीले श्रमिकको मागलाई मध्यनजर गर्दै नयाँ श्रम स्वीकृती नेपाली राजदूतावासबाट नै दिने प्रावधान लागु गरेको बताए ।
यसअघि विभिन्न माध्यमबाट युएई गई कामदार भिसामा काम गरिरहेका नेपालीहरुले नेपाल सरकारबाट श्रम स्वीकृत लिनका लागि नेपालनै आउनुपर्ने बाध्यात्मककारी व्यवस्था थियो ।अवदेखि दुतावासमा गई वायोमेट्रिक गरि श्रम स्वीकृत लिन सकिने भएको छ । अहिले ठुलो संख्यामा नेपालीहरु रोजगारीका लागि यूएई भिजिटमा जाने र काम खोजेर कामदारभिसामा काम गरिरहेका छन् । कार्यक्रममा बोल्दै मन्त्रि भण्डारीले श्रमिकको मागको मध्यनजर गर्दै सो कार्यको शुभारम्भ गरिएको बताएका थिए ।
नेपाली राजदूतावास आवुधावी महामहिम राजदूत तेज बहादुर क्षेत्रीको सभापतित्वमा सम्पन्न उक्त शुभारम्भ कार्यक्रममा गैर आवासीय नेपाली संघ यूएईका अध्यक्ष विकास शाही, नेपाली समाज यूएईका अध्यक्ष राम मोत्तानले श्रमिकहरुको समस्याका बारेमा जानकारी सहित युएईको दुबई शहरमा श्रम काउन्सिलर कार्यालय स्थापनको प्रकृया छिटो अगाडी बढाउन माग राखेका थिए । कार्यक्रमको संचालन नेपाली राजदूतावास आबुधावीका श्रम काउन्सिलर दिपेन्द्र पौडेलले गरेका थिए भने कार्यक्रममा यूएईमा स्थापित विभिन्न नेपाली संघ संस्थाका प्रमुख तथा प्रतिनिधिहरुको सहभागिता रहेको थियो ।
