खैरेनिटार । सामाजिका कार्यमा सक्रिय रहदै आएको आयन्स क्लब आफ शुक्लागण्डकीले संञ्चालन गरेको रक्तदान कार्यक्रममा १ सय ३ प्रिन्ट रगत सङ्कलन भएको छ । कोरोना महामारीका बिच अस्पतालहरुमा रगतको अभाव बढ्न थालेपछि रगतको अभावलाई कम गर्नका लागि रक्तदान कार्यक्रम संञ्चालन गरिएको क्लबका तृतीय उपाध्यक्ष एवम् कार्यक्रमका संयोजक खुमबहादुर राईले जानकारी दिए ।
नेपाल रेडक्रस सोसाइटी कास्की, क्षेत्रीय रक्तसंञ्चार सेवा पोखराको प्राविधिक सहयोगमा शुक्लागण्डकी नगरपालिका वडा नं. ७ खैरेनिटारमा रक्तदान कार्यक्रमा सम्पन्न गरिएको हो ।
क्लबका अध्यक्ष दिपेन्द्र थापाको सभापतित्व र ब्लड डोनेशन गण्डकीका प्रमुख ला.महेश पौडेलको प्रमुख आतिथ्यतामा सम्पन्न कार्यक्रममा लायन्स क्लब अफ तनहुँ खैरेनिटारका अध्यक्ष पिताम्बर तिमिलिसना, बिष्ण् राना, शुक्लागण्डकी उद्योग वाणिज्य संघका अध्यक्ष हरिकुमार श्रेष्ठ, जिएलटि कोर्डिनेटर सुजित हिराचन, संस्थापक अध्यक्ष एवम् डिस्ट्रिक एओजि तिर्थराज खनाल, डिस्ट्रि पिआरओ समुन्द्रराम श्रेष्ठ, कलस्टर प्रमुख सन्तोस घिमिरे,कमिटि चेयर पर्सन तथा पुर्व अध्यक्ष बुद्धिबहादुर थापा, तनहुँ मोडेल भिजेल प्रमुख कृष्ण प्रसाद पौडेल, ईलाका प्रहरी कार्यालय बेलचौताराका प्रमुख प्रहरी निरिक्षक ज्ञान बहादुर थापा, लगायतले शुभकामना मन्तव्य दिएका थिए । त्यसै गरि कार्यक्रममा ध्वजाको अभिवादन क्लबका द्धितीय उपाध्यक्ष सुरेन्द्र तामाङ, स्वागत मन्तव्य क्लबका प्रथम उपाध्यक्ष सुमन सापकोटा, धन्यवाद मन्तव्य क्लबका तृतीय उपाध्यक्ष एवम् कार्यक्रम संयोजक खुमबहादुर राईले गरेका थिए भने कार्यक्रमको संञ्चालन क्लबका सचिव विजयकुमनर अर्यालले गरेका थिए ।
