दुलेगौंडा । तनहुँको शुक्लागण्डकी नगरपालिका–७ मा रहेको सरस्वती नमुना माध्यमिक विद्यालयमा ‘सरस्वती जुनियर कप–२०८१’ सुरू भएको छ ।
प्रतियोगिताको पहिलो दिन छात्रतर्फका ४ खेल र छात्रातर्फ २ खेल सम्पन्न भएका छन् । छात्रातर्फको खेलमा अरनिको खैरेनीटारले जनकल्याण माध्यमिक विद्यालयलाई ३–० गोल अन्तरले पराजित गरेको छ । यसगरी तालवेसी माविले लिटल गार्डेनलाई ३–० गोल अन्तरले पारजित गर्दै अघिल्लो चरणमा प्रवेश गरेको छ । प्रतियोगिताको तेस्रो खेलमा सूर्यदय आवसिय माविले शुक्ला आधारभूत विद्यालयलाई ५–० गोल अन्तरले पराजित गरेको छ भने माउण्ट अन्नपूर्ण एकेडेमीले सरस्वती नमुना माविलाई २–१ गोल अन्तरले पराजित गर्दै अघिल्लो चरणमा प्रवेश गरेको छ ।
यसैगरी छात्रातर्फको पहिलो खेलमा जनकल्याण माध्यमिक विद्यालय र तालवेसी माध्यमिक विद्यालयले खेल अवधिभर १–१ गोल गरेपछि खेल पेनाल्टी सुटआउमा पुगेको थियो । जहाँ तालवेसीले जनकल्याणलाई ३–१ गोल अन्तरमा पेनाल्टी सुटआउटमा पराजित गर्दै सेमिफाइनलमा प्रवेश गरेको छ । यसैगरी छात्रा तर्फको दोस्रो खेलमा अरनिको खैरेनीटारले शुक्ला आधारभूत विद्यालयलाई १–० गोल अन्तरले पराजित गर्दै सेमिफाइनलमा पुगेको छ ।
माघ १७ गते छात्रा तर्फको पहिलो सेमिफाइनल खेल अरनिको र लिटल गार्डेनबिच हुनेछ भने दोस्रो सेमिफाइनल खेल तालवेसी र सरस्वती नमुनाबिच हुनेछ । यसैगरी छात्रतर्फको पहिलो सेमिफाइनल अरनिको र सूय्र्रदयबिच हुनेछ भने दोस्रो सेमिफाइनल खेल माउण्ट र तालवेसीबिच हुनेछ ।
उद्घाटन कार्यक्रममा बोल्दै शुक्लागण्डकी नगरपालिका(७ का वडाध्यक्ष खड्क सिं थापाले विद्यार्थीको शैक्षिक र खेल सिपको विकासमा विद्यालयले उत्कृष्ट कार्य गरेको बताए । खेलकुदका माध्यमले व्यक्ति स्वस्थ रहनु मात्रै नभई देशको नाम विश्वमा चिनाउन पनि महत्त्वपूर्ण भुमिका निर्वाह गर्ने बताए ।
विद्यार्थीहरुको रुचिको खेल फुटबल रहेको हुदाँ फरक फरक विद्यालयका विद्यार्थीबिच आपसि सम्बन्ध कायम गराउन यस प्रतियोगिताले सहयोग पु¥याउने विद्यालयका प्रधानाध्यापक नारायण पौडेलले बताए । विगतमा आफुहरुले गरेको सिकाइ मेला नगरपालिकाले गरेपछि यसबर्ष थप नयाँ कार्यक्रम अन्र्तगत फुटबल प्रतियोगिता सुरु गरिएको उनको भनाइ छ ।
छात्र र छात्रातर्फको फुटबल प्रतियोगितामा प्रथम र द्धितीय हुने टिमले शिल्ड, मेडल र प्रमाणपत्र प्राप्त गर्ने आयोजकले जनाएको छ ।
