पोखरा । गण्डकीमा माओवादी केन्द्रबाट तीन जना मन्त्रीको टुङ्गो लागेको छ। बिहीबार बसेको कांग्रेस र माओवादी केन्द्रबीचको बैठकले माओवादीबाट सरकारमा जाने गरी तीन सांसदको टुंगो लगाएको हो ।
माओवादीका सांसद दीपक कोइरालाका अनुसार अर्थमा रामजी बराल, कृषिमा चन्द्रबहादुर बुढा र वन तथा वातावरणमा दीपक चर्तीलाई मआओवादीले गण्डकी सरकारमा पठाउने निर्णय भएको छ ।
तीनैजना मन्त्रीको शपथ शुक्रबार दिउँसो १ बजेका लागि तय भएको सांसद कोइरालाले जानकारी दिए । यसअघि माओवादीबाट मधुमाया अधिकारी स्वास्थ्य तथा जनसंख्या मन्त्री भइसकेकी छन् ।
