दुलेगौँडा । तनहुँ जिल्लाको शुक्लागण्डकी नगरपालिकाका प्रमुख प्रशासकीय अधिकृतका गंगालाल सुवेदीको सरुवा भएका छन् । सुवेदी विसं. २०७६ चैत्र ७ गतेदेखी शुक्लागण्डकी नगरपालिकाका प्रशासकीय अधिकृतको जिम्मेवारी समालेका थिए । अधिकृत सुवेदी पाल्पा जिल्लाको रामपुर नगरपालिकाका प्रमुख प्रशासकिय अधिकृतको रुपमा सरुवा भएका छन् ।
सरुवा भएर गएपछि सुबेदीको ठाउँमा शुक्लागण्डकी नगरपालिकाका प्रमुख प्रशासकीय अधिकृतको रुपमा मन्त्रालयको प्रशासन योजना तथा अनुगमन महाशाखामा प्रमुखको रुपमा कार्यरत लिला बल्भव न्यौपाने आउने छन् ।
आज प्रशासकिय अधिकृत सुवेदीलाई शुक्लागण्डकी नगरपलिका स्वास्थ्य शाखाले पनि स–सम्मान बिदाई गरेको छ । विश्वभरी महामारीको रुपमा फैलिएको कोरोना भाईरसको संक्रमण जोखिन न्यूनिकरणमा खेले भुमिकाको कदर गर्दै शाखाले पनि मायाको चिनोसहित विदाई गरिएको शाखा प्रमुख अजय श्रीवास्तवले बताए ।
