बेलचौतारा । अखिल नेपाल राष्ट्रिय स्वतन्त्र विद्यार्थी युनियन तनहुँ जिल्ला कमिटीको अध्यक्षमा सुमन श्रेष्ठ निर्वचित भएका छन् । अनेरास्ववियु जिल्ला कमिटीको आयोजनामा भानुभक्त बहुमुखी क्याम्पसमा भएको सम्मेलनले श्रेष्ठको अध्यक्षतामा ६१ सदस्य कमिटी गठन गरिएको हो ।
यसै गरि कमिटीको उपाध्यक्षमा किरण नेपाली, सचिवमा धिरज खत्रि, सह—सचिवमा चादनि लाम्गादे, कोषध्यक्षमा रुषी थापा निर्वाचित भएका छन् ।
सम्पन्न कार्यक्रममा बोल्दै नेकपा एमाले केन्द्रिय सदस्य प्रतापलाल श्रेष्ठले आफुहरुले पार्टी विभाजन नचाहेको भए पनि केपि ओलीको निरंकुशताले पार्टी विभाजनको बताए । पार्टीमा केपिले एकलौटी गरेकाले अहिलेको अवस्था आएको भन्दै अर्को पक्ष सुध्रिएर नआए पार्टी एकता असम्भव हुने बताए । उनले विद्यार्थी संगठनले पनि शैक्षिक क्षेत्र मात्र नभई देशको राजनीतिक विकास र संगठन निर्माणमा पनि महत्वपूर्ण भुमिका खेल्नु पर्नेमा जोड दिदै यसका लागि सबै एकजुट भएर अगाडी बढ्नुपर्ने बताएका थिए ।
अनेरास्ववियु केन्द्रीय सचिवालय सदस्य गोविन्द महतको सभापतित्वमा सम्पन्न कार्यक्रम अनेरास्ववियु कन्द्रीय सचिव राजन शर्मा पराजुली,नेकपा एमाले जिल्ला कमिटी सदस्य शंकरनारायण श्रेष्ठ ,सचिव श्रीराम कार्की ,युवा संघका केन्द्रीय सदस्य कमल गैह्रे,वडाध्यक्षहरु रामकुमार श्रेष्ठ ,दीर्घबहादुर थापा, रामबहादुर क्षेत्री थापा बज्रराज अधिकारी, सन्तोस न्यौपाने, जीवन भट्टराई लगायतले बोलेका थिए । कमिटीकी कोषाध्यक्ष रुषी थापाले स्वागत मन्तव्य र मनोज बाँनियाले कार्यक्रम संचालन गरेका थिए ।
