तनहुँ । लायन्स क्लब अफ तनहुँ शुक्लागण्डकी सिस्टर्सले क्लबका सदस्यहरूको नेतृत्व क्षमता तथा व्यक्तित्व विकास सम्बन्धि कार्यक्रम सम्पन्न गरेको छ।
कार्यक्रमलाई सम्बोधन गर्दै शुक्लागण्डकी-५ का वडाध्यक्ष दिर्घबहादुर थापाले महिलाहरूको नेतृत्व क्षमता र व्यक्तित्व विकासबाट नै समाजलाई समृद्ध बनाउन सकिने बताए । संस्थालाई बलियो बनाउनका लागि पनि नेतृत्व विकास तालिम अपरिहार्य रहेको उल्लेख गरे ।
क्लबकी अध्यक्ष जोसिला थापाको सभापतित्वमा सम्पन्न कार्यक्रममा शुक्लागण्डकी–५ का वडा अध्यक्ष थापा सहित क्लबका चिफ एडभाइजर लायन सुजित हिराचन, सिनियर एडभाइजर पिताम्बर तिमल्सिना, एमजेएफ लायन प्रमोद लामिछाने, डिस्ट्रिक्ट चियरपर्सन सुरेन्द्र श्रेष्ठ, लायन्स क्लब अफ तनहुँ खैरेनीटारका अध्यक्ष सुन्दर बस्याल लगायत क्लबका सदस्यहरूको उपस्थिति रहेको थियो।
कार्यक्रममा क्लबकी प्रथम उपाध्यक्ष लालुमाया आलेले स्वागत मन्तव्य राखेकी थिइन भने कार्यक्रम संयोजक संगिता ढकालले धन्यवाद मन्तव्य दिएकी थिइन । कार्यक्रमको सञ्चालन क्लबकी सचिव मार्टिना कुमालले गरेकी थिइन्।
तालिम शुक्ला न्यूजका पत्रकार हरि खरेलले प्रशिक्षण दिएका थिए । तालिममा ३३ जना प्रशिक्षार्थी सहभागी थिए । कार्यक्रम शुक्लागण्डकी-५ बेलचौतारा स्थित शिव पाञ्चायन मन्दिर परिसरमा भएको थियो ।
