दुलेगौंडाको बिपी चोकमा मुख्य कार्यालय रहेको शुक्लागण्डकी बचत तथा ऋण सहकारी संस्थाले ९ औ स्थापन दिवसको अवसर पारेर स्वास्थ्य सुरक्षा सामग्री बितरण गरेको छ ।
सहकारीले आफ्नो ९ औ स्थापना दिवस अवसर पारेर ईलाका प्रहरी कार्यालय, बेलचौतरामा स्वास्थ्य सुरक्षा सामग्री सहयोग गरेको हो । कार्यालयमा आवश्यक स्यानीताईअर मास्क पन्जा लगाएतका सामाग्री प्रदान गरेको संस्थाका अध्यक्ष लेख बहादुर पुनले बताए । सोमबार संस्थाले शुक्लागण्डकी २ को च्यवनधाम र दुलेगौंडाको शिब मन्दिरमा उपस्थित दर्शनार्थी र मन्दिरलाई माक्स लगाएत स्यानीटाईजर बितरण गरेको थियो । २०६९ सालमा स्थापना भएको यस सहकारी संस्थाले आफ्नो सामजिक उत्तरदायीत्व अन्तर्गत सामग्री वितरण गरेको उनले बताए । यस अघिका स्थापना दिवसमा समेत संस्थाले बिबिध सामाजिक सेवाका कार्यक्रम गरेर मनाएको थियो ।
