हरि खरेल/दुलेगौंडा । शुक्लागण्डकी नगर उद्योग वाणिज्य संघ महिला उद्यमी बिकास समितिको आयोजनामा तनहुँ उद्योग वाणिज्य संघ महिला उद्यमी बिकास समितीद्धारा संस्था हस्तान्तरण कार्यक्रम एवम् एक दिन फिनेल बनाउने तालिम सम्पन्न भएको छ ।
कार्यक्रमकी प्रमुख अतिथि पुर्व मन्त्री एवं गन्डकी प्रदेश सभा सदस्य आशा कोइरालाले तालिमलाई व्यवसायिकरण गर्नुपर्नेमा जोड दिईन् । साथै स्थानीय स्तरमा उत्पादित घरेलु समानहरुलाई बजारीकरण गर्न आवश्यक रहेको उनको भनाई रहेको छ । महिला उद्यमीहरुलाई स्वालम्बी आत्मनिर्भर गराउनको लागि सिपमुलक तालिम संचालन गर्न प्रदेश सरकारबाट पनि पहल गर्ने कोईरालाले बताईन् । स्थानीय स्तरमा ढाकाको साडी तयारी गरि स्थानिय कार्यलयहरुमा अनिवार्य लगाउनको वातावरण तयार गर्न सक्यो भने उद्यमि ब्यबसायहरुलाई पनि प्रोत्साहन सभा सदस्य कोईरालाको भनाई रहेको छ ।
महिलाहरुलाई व्यवसयिक रुपले अगाडी बढाउन फिनेल बनाउने तालिमको आयोजना गरिएको समितिकी सभापति बसन्ता श्रेष्ठले जानकारी दिईन । महिलाहरुले हरेक कुरामा अरुसंग हातै फैलाउनुपर्ने अवस्था नआओस भन्ने हिसाबले आर्थिक रुपमा सक्षम गराउन तालिम संञ्चालन गरिएको उनको भनाई रहेको छ । उनका अनुसार तालिममा सहभागि मध्य १५ जनाले मात्रै भए पनि व्यवसायिक रुपले अगाडी बढन सके दिईएको तालिम अर्थपूर्ण हुने बताईन् ।
समितिको आयोजनामा सम्पन्न कार्यक्रममा तनहुँ उद्योग संघका अध्यक्ष पबिन्द्र कुमार श्रेष्ठ , वडा नं. ४ की वडा सदस्य रोजिना खातुन, शुक्लागण्डकी नगर उद्योग वाणिज्य संघका अध्यक्ष वसन्त ज्वारचन, तनहुँ उद्योग वाणिज्य संघ महिला उद्यमी बिकास समितिका सभापति सकुन्तलाआले, खैरेनीटार महिला बिकाश बहुउद्देश्यीय सहकारी संस्थाका अध्यक्ष सुर्यकला ढकाल , तनहुँ उद्योग वाणिज्य संघ दुलेगौंडा बजार इकाइ समितिका पुर्व सभापति राज कुमार वाग्ले, इलाका प्रहरी कार्यलय बेलचौताराका प्रमुख प्रहरी निरीक्षक ज्ञान बहादुर खड्का लगायतको उपस्थिती रहेको थियो । यसै गरि उक्त कार्यक्रममा स्वागत मन्तव्य समितिका उपाध्यक्ष देबि न्यौपाने राखेकि थिईन भने समितिका सचिव लक्ष्मी थापा पौडेलले कार्यक्रमको संञ्चालन गरेकी थिईन् ।
साथै आज सम्पन्न एक दिने फिनेल बनाउने तालिममा महिला उद्यमी तुलसी शाहले प्रशिक्षण गरेकी थिईन् ।
