नागरिककको गुनासो माथी जिम्मेवार व्यक्तिको जवाफ के छ ? (भिडियो समेत)
हरि खरेल/दुलेगौंडा । विश्वभरी महामारीको रुपमा फैलिएको कोरोना भाईरसका कराण करोडौ व्यक्तिहरु संक्रमित भएका छन् भने लाखौ व्यक्तिहरुको मृत्यु भएको छ । यस बिचमा कोरोना महामारीको संक्रमणबाट बच्न विश्वभरी खोपको माग पनि बढी नै रहेको छ । जस अन्र्तगत तनहुँको शुक्लागण्डकी नगरपालिकाले महामारीदेखी हालसम्म ९ हजार ६ सय ३७ जना लक्षित वर्गका नागरीकहरुले कोरोना विरुद्धको खोप लगाएका छन् ।
नगरका स्वस्थ शाखा प्रमुख अजयकुमार श्रीवास्तवका अनुसार ७ चरणमा नगरका उक्त संख्याका नागरीकमा खोप प्रदान गरिएको हो । जसमा स्वास्थ्यकर्मी, सुरक्षाकर्मी, पत्रकार, जनप्रतिनिधि, शिक्षक कर्मचारी, वृद्ध व्यक्तिहरु, वृत्तिय संस्थामा कार्यारत कर्मचारी, उद्योग बाणिज्य संघका नेतृत्वका व्यवसायी लगाएतलाई शाखा प्रमुख श्रीवास्तवले जानकारी दिए ।
नगरका कुल जनसंख्याको करिब २१ हजार जनसंख्यालाई अझ पनि कोरोना विरुद्धको खोप लगाउन बाँकी रहेको श्रीबस्तबले बताए । नेपाल सरकारले कोरोनाको खोप यसरी नै उपलब्ध गराए संभवत दुई महिनाभित्र सबै नागरिकलाई खोप पु¥याउन सकिने उनको भनाई छ ।
शुक्लागण्डकीमा खोप पर्याप्त मात्रामा नआउदा स्वास्थ्यकर्मी लगायत आफुले पनि जनताको अभद्र व्यवहार सहनुपरेको प्रमुख श्रीवास्तबले बताए । “सम्भवत नगरले माग गरे अनुसारको अहिलेसमम खोप प्राप्त भएकै छैन् ।” उनले भने, “नगरले ५ हजार खोप माग गरेर जनताहरुमा प्रचार प्रशार गर्दा अन्त्यमा दुई हजार भन्दा प्राप्त हुदैन । यसरी जनताले खोप नपाएकाले आक्रोश व्यक्त गरेका हुन् । त्यसैले अहिले पहिला खोप कति छ भनेर एकिन गरेर खोप आउने पक्का भएपछि मात्र प्रचार प्रसार गरेका छौ ।”
कोरोना महामारीपछि हालसम्म नगरका करिब १० जना स्वास्थ्यर्कीहरु संक्रमित भएको श्रीबास्तबले बताए । संक्रमित भएका सबै स्वास्थ्यर्की निको भई निरन्तर जनताको सेवामा खटिरहेको बताए । अहिले स्वास्थ संस्थाहरुमा स्वास्थ्यकर्मीहरुलाई माक्स, पञ्जा, सेनिटाईजर प्रयोग गरेर आवश्यक स्वास्थ्यका मपदण्ड पालना गरि खोप प्रदान गरिएको श्रीबास्तबले जानकारी दिएका छन् ।
पछिल्लो समय खोप लगाएका व्यक्तिहरुमा पनि कोरोना संक्रमण पुष्टि भ्रएको तथ्याङ्क प्राप्त भएका कारण खोप लगाएका र नलगाएका व्यक्तिहरु संबैले स्वास्थ्यको मापदण्ड पालना गर्नुपर्ने बताए ।
