कोत्रे । तनहुँको शुक्लागण्डकी नगरपालिका–४ दुलेगौडा स्थित अन्नपुर्ण डेण्टलका संचालक फडिन्द्र पौडेल(शिव)ले पोखरा महानगरपालिका–३३ तल्लो पुँडी निवासी ७२ बर्षिया उजेली थापाको घरमै पुगेर निशुल्क दाँतको उपचार गरेका छन् । चारबर्षको बाल्यकालमै विफोर भन्ने रोगका कारण आँखाको ज्योति गुमाएकी थापाले २६ बर्षको बैँश उमेरमा नै दायाँ खुट्टा पनि गुमाईन् । यस्तै विभिन्न रोगहरुले सताईरहेको बेला थापलाई दाँतको दुखाईएको अर्काे समस्याले सतायोे ।
परिवारको आर्थिक अवस्था कमजोर रहे पनि उपचारको लागि परिवाका सदस्यहरुले बोकेर डेण्टलका सम्म पु¥याएपछि थापाको पारिवारीक अवस्थालाई मध्यनजर गर्दै पौडेलले निशुल्क उपचारको जिम्मा लिए । विगत ६ बर्ष देखि पौडेलले थापाको निशुल्क उपचार गरिरहेका छन् । पौडेलका अनुसार विगत १२ बर्ष अगाडीदेखी डेन्टल क्लिनिकबाट करिब ७ किलोमिटर चारैतिरको क्षेत्रभित्र रहेका असक्त र दुःखी विरामीको निशुल्क उपचार गर्दै आएको बताउछन् । आफुले यस अघि जति कार्य गरे पनि मिडियामा आएर नभनेता पनि आफुले गरेको कार्य अरुलाई कस्तो लाग्छ भनेर प्रतिक्रिया लिनको लागि मिडियामा आएको बताउन् । “मन्दिरमा भोकै गएर धेरै उपल्बधी होला जस्तो मलाई लाग्दैन, दिन दुःखीलाई सहयोग गरियो भने त्यो भन्दा ठूलो धर्म केही हुन्न ।” उनले भने ।
उपचारको लागि उपचार खर्च समेत जुटाउन गाह्रो भएको हुदाँ निशुल्क उपचार पाएकाले आफुलाई धेरै खुसी लागेको उजेली थापाले बताईन् । दायाँ खुट्टा गुमाउनु परेको केहिबर्षपछि बायाँ खुट्टाले पनि काम गर्न छाडेपछि शौचालय जान समेत गाह्रो परेको बताईन् । आफु असक्त रहेका कारण उपचारको लागि अस्पताल सम्म जान प¥र्याे भने पनि बसले लान नमान्ने गरेको नमिठो अनुभव सुनाईन् । साथै केही समय अगाडी छोरालाई विदेश पठाउन खेत कर्जामा राखेर ऋण लिएर पठाए पनि दलालिले पैसा खाईदिएको झन समस्या सिर्जना भएको बताईन् ।
यता उजेलीका छोराले दैनिक खेतिपाति गरेर मिठो मसीनो दिईरहेको बताए । आफ्नो परिवारको अवस्था पनि कमजोर रहेकै कारण भनेको जति दिन नपाए पनि बिहान बेलुका दाल भात दिने गरेको बताए । निषेधाज्ञा भन्दा अगाडी आमा बिरामी हुदाँ आफु र आफ्नो श्रीमतिले बोकेरै अस्पताल सम्म पु¥याउने गरेको बताए । पछिल्लो समय निषेधाज्ञाका कारण सावारी नचल्दा लान ल्याउन समेत समस्या परेको बताए ।
