१ साउन, भिमाद
भिमाद नगरपालिका वडा नम्बर -५ मा रहेको वान्ट्याङ खोलामा पुल नहुदा बर्षातको समयमा स्थानीयबासी समस्यामा परेका छन् ।
प्रदेश सरकारबाट बिनियोजित बजेटबाट पक्की सडक निर्माण भएपनी बढेको खोला तर्नुपर्ने समस्या भने समाधान हुन सकेको छैन । देब्रेतर्फ बुडुवाफाट बिपरित तर्फ रिसिङपाटनका बिचबाट बहने वान्ट्याङ खोला बर्षातका समयका कहिलेकाही उर्लेर उच्च बहाबका साथ बग्ने गर्दछ । खोला उर्लेका बखत त्यस स्थानबाट सवारीसाधन मात्रै नभई मानिस समेत आवतजावत गर्न नसकिने अवस्था हुन्छ ।
ऋषिङपाटन र बुडुवाफाटका बासिन्दाको आपसी सम्बन्ध भौगोलिक निकटतामा मात्रै सिमित छैन । यहाँका हरेक सामाजिक , धार्मिक कार्यका अतिरिक्त कृषि कर्मका लागि मेलापात , पर्व तथा उत्सवहरुमा र समस्यामा परेका बखत एक आपसमा सहजै जमघट हुनु यहाँलो बिशेषता हो । ऋषिङपाटनका बासिन्दाको अधिकान्श कृषिकर्मको थलो बुडुवाफाट क्षेत्र पर्दछ । ” भिमाद बजार र अन्य स्थानमा जानुपर्दा मात्रै होइन खेतीपातिका लागि मात्रै भएपनी दैनिक पारी जानुपर्छ , अन्य समस्या वा बिरामी पर्दा झनै कठिन हुन्छ ।” पाटन युवा क्लब का अध्यक्ष अमृत गैह्रेले भने । त्यस क्षेत्रको एक मात्रै सामुदायिक माध्यमिक बिद्यालय अध्ययनका लागि जाने बालबालिकाको लागि बर्षातको समयमा वान्ट्याङ खोला तरेर जानु झनै जोखिमपुर्ण छ । खोलामा पुल पक्कि पुल मात्र होइन झोलुंगे पुल पनि छैन जसले गर्दा बर्षातको बेला नियमित आवत जावत पनि मुस्किल हुने गरेको छ । दिउसो खेतमा मेला भर्न आउने हरु ठुलो पानी पर्यो भने घर फर्कने समेत नसक्ने अवस्था समेत आउने गरेको स्थानीय गैरेले बताए । बर्षा शुरु भए पछी सवारी साधन पनि नीयमित हुन नसक्ने र कतिपले सवारी साधन वारी नै छोडेर घर फर्कनु गरेको समेत बताए ।
