दुलेगौंडा । बर्खा लागेपछि बाङ्गे खोला उर्लिदा शुक्लागण्डकी नगरपालिका–८ किमलडाँडा, डहरे बासीलाई खोला तर्न गाह्रो छ । विगतमा कलर्भट बने पनि वर्तमानमा खोला एकातिर र कलर्भट एकातिर हुदाँ दैनिक रुपमा सोही बाटो ओहोरदोहोर गर्ने स्थानीय निकै सास्ती खेप्नु परेको छ ।
यही समस्यालाई असार २ गते शुक्ला न्यूजले स्थलगत रिर्पाेटिङ्ग गरेपछि नगरले यस बिषयलाई गम्भिरताको साथ लिएको थियो । जसको फलस्वरुप बिहीबार (असार ९) गते शुक्लागण्डकी नगरपालिकाका मेयर, उपमेयर, वडाध्यक्ष, ईन्जिजियर योजना सहित जनताको माझमा पुगेका थिए । यो सैगै यसपटक स्थानीयहरु आफुहरुको समस्या समाधान हुने कुरामा आशावादी बनेका छन् । जनताको माझमा पुगेर मेयर कृष्णराज पण्डितले तत्कालका लागि सहज रुपमा खोला वारपार गर्न ह्युम पाइप हाल्ने बताए । साथै उनले दीर्घकालिन रुपमा समस्या समाधान गर्न नगरपालिकाले आवश्यक काम अगाडी बढाउने उनको भनाई छ । ‘हामी पहिला खोला जहाँबाट बगेको थियो त्यहीबाट बगाउँछौ । अहिले तत्कालका लागि हामीले खोला बगेको ठाउँमा ह्युम पाइप हालेर अस्थायी बाटो बनाउछौ’ उनले भने । जनताको माझमा गई शुक्लागण्डकी नगरपालिकाका उपप्रमुख खुमबहादुर विक (राजु) ले जनताको अपेक्षा अनुसार काम गर्ने बताए । साथै उनले पहिला खोला बगेको ठाउँबाट खोला हिडाउन जग्गाको विवाद हटाउने जिम्मा स्थानीयहरुले लिनुपर्ने बताए । ‘नगरपालिकाले हजुरले भनेकै ठाउँबाट काम गर्छ । त्यसको लागि हामी प्रतिबद्ध छौं । हामी भोलि नगर सभा गर्दै छौ । तपाईहरु यति बुझ्नु की तपाईहरुलाई चाहिने जति पैसा आउछ । पौसामा समस्या छैन् । तर, पहिला खोला बगेको ठाउँबाटौ खोला हिडाउन त्यस वरपर रहेको जग्गाको विवाद हटाउने जिम्मा तपाईहरुले नै लिनुपर्छ’ उनले भने ।
नगरले ठाउँमा नै आएर निरिक्षण गरि काम गर्ने प्रतिबद्धता व्यक्त गरेको हुदाँ बर्षाेदेखिको समस्या समाधान हुने कुरामा आशावादी रहेको स्थानीय मञ्जु श्रेष्ठले बताईन् । ‘खोला वारपार गर्ने समस्या समाधान हुन्छ भन्ने कुरामा आशावादी छौ । तर, पूर्ण रुपमा आशावादी चाही छैनौं’ उनले भनिन् । विगतमा भन्दा यस पटकका जनप्रतिनिधिको लगाभका कारण डराई डराई होला तर्नुपर्ने बाध्यता समाधान हुने कुरामा बढी आशावादी रहेको स्थानीय केशब राज श्रेष्ठले बताए । ‘नगरले धेरै पहिला पनि आश्वासन दिईराखेको थियो । तर, अहिलेका जनप्रतिनिधि धेरै लागि पर्नुभएको छ । त्यसैले पहिला भन्दा अलि विश्वस्त छु । त्यै पनि नगरे सम्म के हो के हो ? अन्यौल नै छौ भनौ । अब गर्नु भएपछि विश्वास गरौला’ उनले भने ।
