जेष्ठ १९, दुलेगौंडा
व्यास नगर जेसिज सञ्चालन गरेको निशुल्क एम्बुलेन्स सेवा बिरामीका लागि बरदान सावित हुन थालेको छ ।
कोरोनाको संक्रमणका कारण गर्भवती ,सुत्केरी र अन्य रोगका बिरामीहरुले अस्पताल सम्म जानका निकै सास्ती बेहोरि रहनु परेका बेला व्यास नगर जेसिजले एम्बुलेन्स सेवा सुरुवात गरे सगै बिरामीका लागि जेसिजको एम्बुलेन्स सेवा बरदान सावित हुन थालेको हो । व्यास नगर जेसिजका अध्यक्ष लक्ष्मीभक्त खनालका अनुसार जेसिजले सुरुवात गरेको निशुल्क एम्बुलेन्स सेवा मार्फत हाल सम्म ५ जनाले सेवा लिई सकेकाे जानकारी गराउनु भयाे ।जेसिजले सञ्चालन गरेको निशुल्क एम्बुलेन्स सेवा अन्र्तगत पहिलो दिन भानु नगरपालिका वडा नं ६ डाँडाथोककी गर्भवती महिला सुस्मिता अधिकारीलाई पोखरा स्थित पश्चिमाञ्च अस्पताल लगिएको थियो । अधिकारी सवारी साधन नपाएर दमौलीको अनसनचोकमा अलपत्र अवस्थामा परेकी थिइन् ।त्यस्तै जेसिजले सञ्चालन गरेको एम्बुलेन्स मार्फत व्यास १२ कि डलीमाया थापाले समेत सेवा लिएकी छन् । टाउको दुखेकी थापालाई जेसिजले अस्पताल सम्म लैजान सहयाेग गरेको थियो ।
त्यसैगरी जेसिआई व्यास नगर जेसिजले सञ्चालन गरेको निशुल्क एम्बुलेन्स सेवा मार्फत भानु नगरपालिका वडा नं ५ कि ६० बर्षिय विवा माया सुनारले समेत सेवा लिएकी छन् । सुनारलाई घरमै पुगेर जेसिजका अध्यक्ष लक्ष्मीभक्त खनाल र भानु ५ काङ्ग्रेस का युवा नेता शैलेस खातीले अस्पताल सम्म पुरयाएका थिए । त्यस्तै अर्की एक सुत्केरी महिलालाई समेत समस्या भएपछि अस्पताल ल्याई उपचार गरेर घर पुरयाइएको अध्यक्ष खनालले जानकारी का छन्न ।कोरोनाको संक्रमणका कारण सहज रुपमा सवारी साधन पाउने अवस्था नरहेपछि आफूहरुले यस किसिमको सेवा प्रदान गरेको अध्यक्ष खनालले बताए । लक डाउन अवधिभर यो सेवालाई निरन्तरता दिने खनालले बताए । व्यास नगर जेसिजको कार्यलाई सर्वसाधारणले समेत सह्रानीय भएको भन्दै प्रंशसा गरेका छन्न।
