पोखराको मणिपाल हस्पिटलमा कोरोना भाइरस संक्रमणबाट १ जनाको निधन भएको छ ।
उपचारका क्रममा स्याङ्जाको अर्नुनचौपारी गाउँपालिका वडा नम्बर २ की ५८ वर्षीय संक्रमित महिलाको आज दिउँसो साढे १ बजे निधन भएको हो । उनलाई मंसिर १० गते कोरोना भाइरस संक्रमण पुष्टि भएको थियो ।
यससंगै गण्डकी प्रदेशमा कोरोना भाइरस संक्रमितको कुल संख्या १ सय ४८ पुगेको छ ।
यता क्षयरोग उपचार केन्द्र पोखरामा गरिएको परीक्षणका क्रममा कास्कीमा ९ सहित गण्डकी प्रदेशमा थप २९ जनालाई कोरोना भाइरस संक्रमण पुष्टि भएको छ ।
संक्रमितहरु पोखराको मणिपाल हस्पिटलका ३५ वर्षीय १ जना पुरुष, सहारा हस्पिटल पोखराकी २३ वर्षीय १ जना महिला तथा फिस्टेल हस्पिटलमा ३० वर्षीय १ जना पुरुष रहेका छन् ।
त्यस्तै पोखरा १५ का ६५ वर्षीय महिला सहित ७४ वर्षीय पुरुषलाई कोरोना भाइरस संक्रमण पुष्टि भएको छ ।
पोखरा १६ का ३१ र ५६ वर्षीय २ जना महिला तथा वडा नम्बर ३३ की ३६ वर्षीय १ जना महिलालाई कोरोना भाइरस संक्रमण पुष्टि भएको छ ।
कास्कीको मादी गाउँपालिकाका १ जनालाई कोरोना भाइरस संक्रमण पुष्टि भएको छ । संक्रमित ३४ वर्षीय पुरुष हुन् । उनी गाउँपालिका अन्तरगत कति नम्बर वडाका हुन् भन्ने खुलेको छैन ।
यससंगै आज कास्कीमा थप ६९ जनालाई कोरोना भाइरस संक्रमण पुष्टि भएको छ । संक्रमितमध्ये पोखरामा ६६ जना पोखरा, रुपा गाउँपालिकाका २ जना तथा मादी गाउँपालिकाका १ जना रहेका छन् ।
त्यस्तै बाग्लुङका १० जना, म्यगदीका १ जना, स्याङ्जाका ८ जना तथा तनहुँका १ जनालाई कोरोना भाइरस संक्रमण पुष्टि भएको छ । तनहुँकी संक्रमित ३५ वर्षीय महिला हुन् । उनको पोखराको पद्य नर्सिङ अस्पतालमा उपचार भइरहेको छ ।
यससंगै गण्डकी प्रदेशमा कोरोना भाइरस संक्रमितको कुल संख्या ११ हजार ६ सय ८६ पुगेको छ ।
