नेपाली कांग्रेसको १४ औ राष्ट्रिय महाधिवेशन अन्तर्गत सनिबार भएको शुक्लागण्डकी नगर समितिको अधिबेशनबाट कृष्ण प्रसाद रेग्मी उप सभापति रहेको समुहनै निर्वाचित भएको छ ।
नगर सभापतिमा भने दुवै समुहले गोपी बहादुर गुरुङलाई प्रस्ताब गरे पछि उक्त पदमा सर्बसम्मत सभापति घोषणा गरेको थियो । सभापतिमा सर्बसम्मत भएपछी धेरैले अन्य पदमा पनि सहमति हुन् सक्ने आकलन गरेका भए पनि बालकृष्ण पौडेल र कृष्ण प्रसाद रेग्मी उप सभापति रहेको प्यानल सहित सबै पदमा छुट्टाछुट्टै उम्मेद्वारी दर्ता भएको थियो । सभापतिमा चर्चामा आएका कृष्ण प्रसाद रेग्मीले सभापतिमा गोपी बहादुर गुरुङलाई नै अगाडी सारी अन्तिममा आएर उप सभापतिमा प्यानल सहित उम्मेदवारी घोषणा गरेपछि अधिबेशनको माहौल थप तातेको थियो । कुल २२९ मतदाता रहेको अधिबेसनमा २२७ मत खसेको थियो ।
शनिबार अबेर सम्म सहमतिको बातावरण नबने पछी मतदान प्रक्रिया मार्फत सभापति बाहेकका अन्य सबै पदमा निर्वाचान भएको थियो । उप सभापतिमा निर्वाचित कृष्ण रेग्मीले १५४ मत प्राप्त गरेका थिए भने समितिको अर्को उप सभापतिमा मंजु खत्री (१०४), सचिबमा दिपेन्द्र पौडेल (१४१) र शिब रेग्मी (१११), सह सचिबमा भिष्म श्रेष्ठ (१४९) र राजेश खनाल(१२५) निर्वाचित भएका छन् ।
त्यस्तै समितिको खस आर्य पुरुष सदस्य तर्फ अर्जुन घिमिरे, गोबिन्द प्रसाद भट्टराई, सुजन लामिछाने, सुर्यमणि लामिछाने निवाचित भएका छन् । खस आर्य महिला सदस्य तर्फ इन्दिरा पौडेल, तिकामाया पौडेल, मिना पौडेल थापा, तारादेवी गौतम निर्वाचित भए । जनजाती सदस्य पुरुष तर्फ कृष्ण बहादुर श्रेष्ठ,दिपक कुमार श्रेष्ठ, पिताम्बर श्रेष्ठ, बिष्णु बहादुर थापा, भोज बहादुर आले र मिलन राना निर्वाचित भएको छन् भने जनजाती महिला तर्फ केश माया गुरुङ, मंजु कुमारी श्रेष्ठ, मनमाया थापा, मिठुमाया राना थापा, रजनी थापा निवाचित भएका छन् । दलित सदस्य तर्फ बिनु परियार र सिर्जना बिक निराचित भएको छन् भने पुरुष तर्फ दिनेश दिपेन्द्र परियार र मुक्तिराम बिक निर्वाचित भएका छन् । अल्पसंख्यक सदस्यमा भने रुबिना खातुन निर्वाचित भएकी छिन ।
