दुलेगौँडा । विगत ९ दिनदेखी तनहुँको शुक्लागण्डकी नगरपालिका–८ पुलचोकस्थित रक गार्डेन (सेती नदी छेउ)मा खसेर बेपत्ता भएकी पवित्रा लम्सालको शव आज (मंगलबार) फेला परेको छ ।
नदीमा खसेर बेपत्ता बेपत्ता भएपछि प्रहरी खोजि कार्यलाई जारी राखेको थियो । जस पश्चात आज प्रहरीले भिमाद नगरपालिका–७ सिस्नेहरि स्थित सेति नदिमा मृत अवस्थामा फेला पारेको ईलाका प्रहरी कार्यालय बेलचौताराले जनाएको छ ।
मृतक लम्साल भाद्र २९ गते दिउँसो आफ्ना दुई साथीहरुसंग घुम्नका लागि पुलचोक गएकी थिईन । घुम्ने क्रममा साथिहरुसंग टिकटक बनाउन नदी छेउमा खसेको भनिएता पनि अहिले साच्चिकै टिकटक बनाउदाँ हो अथवा आत्महत्या हो भन्ने बिषयमा अनुसन्धान भईरहेको प्रहरी निरीक्षक खड्काले बताए ।
