(नेपाली कांग्रेस अधिवेशन विशेष)
सभापति पदमा हालसम्म घोषणा भएन उम्मेद्वारी
उप सभापतिमा सपना र सचिवमा दिपेन्द्रको उम्मेवारी सार्वजनिक
पटक पटक धकेलिदै शुरु भएको नेपाली कांग्रेसको १४ औ महाधिवेशनकोको तालिका अनुसार सवै वडाको अधिवेशन सम्पन्न भैसक्दा पनि शुक्लागण्डकी नगरपालिकाको नगर सभापतिमा कसैले हालसम्म आफ्नो उम्मेदवारी घोषणा गरेका छैनन् ।
नगर उप सभपतिमा भने सपना पराजुलीले आफ्नो उम्मेद्वारी घोषणा गरेकी छन् । वडा नं ९ को वडा अधिवेशनबाट क्षेत्रिय प्रतिनिधिमा निर्वाचित पराजुलीले विहिबारनै आफ्नो उम्मेद्वारी सामाजिक सञ्जाल मार्फत सार्वजनिक गरेकी हुन । २०५४ सालमा नेपाल विद्यार्थी संघ, जनज्योति माविको ईकाई सभापति हुदै राजनीति शुरु गरेकी उनले २०६२ बाट पाटीको क्रियासिल सदस्यता लिएकी थिईन । त्रिभुवन विश्वविद्यालयबाट शिक्षा बिषयमा स्नातकोत्तर गरेकी पराजुलीले लामो समय स्याङ्गजाको गल्याङ्ग बहुमुखि क्याम्पसमा प्राध्यापन गरेकी थिईन । हाल दुलेगौंडामा छापाखाना सम्वन्धी व्यवसाय सञ्चालन गर्दै विभिन्न सामाजिक संघ संस्थामा आवद्ध रहेकी छन् । लामो राजनैतिक पारिवारिक पृष्ठभुमिबाट आएकी उनी नेपाली काँग्रेस नगर सचिव समेत गोविन्द सिग्देलकी श्रीमती हुन । “पाटीमा सक्षम महिलाहरुको उपस्थिति न्यून देखिएको र समावेशिताको आधारमा मात्रै स्थान दिनुपर्छ भन्ने मान्यता बढ्दै गएको हुँदा शसक्त महिला नेतृत्वको लागि उम्मेदवारी दिएको हो” पराजुलीले शुक्ला न्युजलाई वताईन ।
नगर सचिवमा भने दिपेन्द्र पौडेल उम्मेदवारी घोषणा गरेका छन् । वडा नं ३ स्थायी घर भई हाल दुलेगौंडामा छापाखाना सञ्चालन गर्दै छन् । हाल उदेनढुङ्गामा टपरी रिसोर्ट सञ्चालनमा ल्याएका छन ् । लामो सयम देखि नेपाली कांग्रेसको राजनीतिमा क्रियाशिल पौडेलले गत निर्वाचनमा वडा नं ३ बाट वडा अध्यक्ष पदमा उम्मेद्वारी दिएका थिए तर पछी नेपाली कांग्रेस र नेकपा माओवादी सँग भएको चुनावी सहकार्य पछि उम्मेद्वारी फिर्ता लिएका थिए । साहित्यमा समेत सक्रिय पौडेलले युवाको प्रतिनिधित्व गर्दै आफु सचिव पदमा उम्मेद्वारी दिएको वताएका छन् । “पाटीलाई नयाँ उर्जाका साथ अगाडी बढाउन र परम्परागत शैलीलाई फेरी नयाँ शिराबाट पाटीलाई चलायमान बनाउन सम्पुर्ण युवाहरुको साथ लिएर उम्मेद्वारी दिएको हो, निर्वाचित हुनेमा ढुक्क छु” शुक्ला न्यूजसँगको कुराकानीमा दिपेन्द्र पौडेलले वताए । उनले युवालाई उद्यमशिलतासँग जोडेर राजनीतिमा सक्रिय बनाउनु पर्ने भन्दै अव चाडैनै आफ्नो भावि योजना र कार्यदिशा समेत सार्वजनिक गरी अधिवेशनमा केन्द्रित हुने वताए ।
परिवर्तित तालिका अनुसार यहि असोज ९ गते गाउँ/नगरको अधिबेशन तोकिएको छ । हालसम्म शुक्लागण्डकीको पार्टीको नगर कार्यसमितिमा उम्मेदवारी घोषणा गर्नेहरु कुनै प्यानल बिना स्वतन्त्र रुपमा गरेको छन् । अन्य केहि स्थानीय तहहरुमा केन्द्रिय नेतृत्वको प्यानललाई जोडेर उम्मेदवारी घोषणा भएतापनि यहाँ भने बाहिरी रुपमा कुनै संकेत देखिएको छैन ।
राजनैतिक आधारमा तनहूँको व्यास पछिको क्षेत्रको रुपमा रहेको शुक्लागण्डकीको अधिवेशनका लागि सभापति पदमा हालसम्म कुनैले पनि औपचारिक रुपमा आफ्नो धारण वाहिर ल्याएका छैन्न । यद्यपि हालका नगर सभापति माधब भट्टराई उपयुक्त वातावरण रहेको र पाटीले जिम्मेवारी दिएको खण्डमा दोहोरिन सक्ने संकेत गरेका छन् । यसै विच सभापति पदका लागि गोपि बहादुर गुरुङ्ग, वडा नं ८ का वडा अध्यक्ष तथा निर्वतमान पाटी सभापति कृष्ण प्रसाद रेग्मी र सन्तोष घिमिरेको नाम पनि चर्चामा आउन थालेको वताईन्छ । चर्चामा रहेका व्यक्तिहरुसँग सम्पर्क गर्दा पुरा खुल्न नचाहेको सकेसम्म सर्वसम्मत रुपमा पहल हुने वातावरण वनाउन सहयोग गर्ने वताए । हालसम्म कसैले पनि उम्मेद्वारी दावी नगरेको हुँदा नेपाली कांग्रेसको नगर सभापति को होल भन्ने जिज्ञासा झन् बढ्दै गएको पाईएको छ । 
