गल्छिना । तनहुँको शुकलागण्डकी–५ गल्छिनामा रहेको युनाईटेड इस्लामिक युवा क्लबको पूनर्गठित नयाँ कार्यसमिती चयन भएको छ । कलिम दिन मियाँको अध्यक्षतामा बसेको विशेष अधिवेशनले अमिर दिन मियाँको अध्यक्षतामा ११ सदस्यीय नयाँ कार्यसमिति चयन भएको छ ।
समितिको उपाध्यक्षमा स्वास्थ्यकर्मी हमिदा मियाँ, सचिवमा जावेद अख्तर, सहसचिवमा सेहजान मियाँ, कोषाध्यक्षमा हलीमा खातुन, सहकोषाध्यक्षमा रुकैया खातुन चयन भएका छन् । सदस्यहरुमा समीर मियाँ, तपसीर खान, मुबारक अली, अमजत खान चयन भएका छन् भने क्लबको सलाहकार संयोजकमा कलीम दिन मियाँ चयन भएका छन् ।
बि.सं. २०४९ सालमा पहिलो पटक स्थापना गरिएको बिस्मिल्ला युवा क्लब, २०५३ मा अहले सुन्नत युवा क्लब हुँदै अहिले युनाईटेड इस्लामिक युवा क्लबको रूपमा स्थापना भएको क्लबका पूर्वअध्यक्ष कलीम दिन मियाँले जानकारी दिए । नेपाल पत्रकार महासंघ कतार शाखाका अध्यक्ष समेत रहेका क्लबका संस्थापक सचिव करीम बक्स मियाँको विशेष पहलमा युनाईटेड इस्लामिक क्लबको विशेष अधिवेशन आयोजना गरिएको थियो ।
