दुलेगौडा । आधारभूत स्वास्थ्य केन्द्र वनाउन ढीला सुस्ती गरेको भन्दै वडा नं १० लोकादीटारका स्थानीयले शुक्लागण्डकी नगरपालिकामा लगाएको ताला सहमति पश्चात बुधवार वेलुका खुलेको छ ।
लोकदीटारमा आधारभूत स्वास्थ्य केन्द्रको माग गर्दै आन्दोलित उनिहरुले मंगलबार नगर प्रमुखको गाडीको चावी खोस्नुका साथै नगरपालिकामा समेत ताला लगाएका थिए । वडाले लोकदीटार भनेर किटान गरेर नगरलाई सिफारिस गरेकोमा नगरपालिकाले सो स्थानमा स्वास्थ्य केन्द्र आवश्यक परेको भनि मन्त्रालय पत्र पठाएपछी स्वास्थ्य मन्त्रालयले वजेट उपलब्ध गराएकोमा निर्माण शुरु नगरिएको भन्दै लोकदीटारवासिले यस अघि पनि आन्दोलन तथा नगरपालिकामा धर्ना वस्दै आएका थिए ।
दवास दिन आएका स्थानीय नगरले चासो नदेखाएको र गम्भिर पनि नभएको भन्दै ताला लगाए पछि बुधबार पटक पटक नगरपालिकामा वार्ता भएको थियो । शहरी स्वास्थ्य केन्द्रको भवन निर्माण गर्न ४० लाख रुपैयाँ विनियोजन गरेर अगाडि बढ्ने र वर्थीङ्ग सेन्टर समेत चलाउने प्रतिबद्धतासँग ताला खोलिएको वुझिएको छ । नगर प्रमुख कृष्णराज पण्डित बुधवार कार्यालयमा उपस्थित भई भएको वार्तामा सहमति जुटेको हो । बुधावर विहानको छलफलमा मागबारे कुनै सम्बोधन नभएकोमा सेवा प्रवाहमा समस्या भएकोले मुख्यढोकाको ताला खोलेर नगरप्रमुखको कार्यकक्षमा तालाबन्दी गरेका थिए ।
