दमौली । तनहुँको व्यास नगरपालिका—४ जलदेवीटोलका ९ जना जुवाडे पक्राउ परेका छन् । सोमबार गोप्य सुचनाको आधारमा मिन बहादुर गुरङको घरमा प्रहरीले छापा मार्दा तास खेलिरहेको अवस्थामा पक्राउ गरेको हो ।
पक्राउ पर्नेमा सोही स्थानका मिनबहादुर गुरुङ, पोटबहादुर सारु, बिमल दरै, प्रदिप पौडेल, जिवन गुरुङ, सुरज थापा, दिपक तामाङ, सोमबहादुर मगर र कृष्णचन्द्र न्यौपान रहेको जिल्ला प्रहरी कार्यालय तनहुँका प्रहरी नायव उपरिक्षक युवराज तिमिल्सिनाले जानकारी दिए ।
पक्राउ परेका ९ जना व्यक्तिबाट नगद २ लाख ३८ हजार ४० रुपैया साथै २ सय ८ तासका पत्ति बरामद गरेको तिमिल्सिनाले जानकारी दिए । निज उपर जुवा सम्बन्धी कसुरमा जिल्ला प्रशासन कार्यालयबाट म्याद थप अनुमती लिई अनुसन्धान गरिरहेको बताए ।
