गाछेपानी । तनहुँको शुक्लागण्डकी नगरपालिका—२ गाछेपानी स्थित साँखरमा ब्लक उद्योगको मेशिनमा च्यापिएर एक मजदुरको मृत्यु भएको छ । मृत्यु हुनेमा बेलौरी नगरपालिका–९,कञ्चनपुर घर भएका बर्ष २१ का केशव चौधरी रहेको ईलाका प्रहरी कार्यालय बेलचौताराले जनाएको छ ।
मेशिनमा काम गर्दा चौधरीको मृत्यु भएको साँखरका स्थानियहरुले बताए । केशवलाई मेशिनमा अचेत अवस्था देखेपछि स्थानीय एक दुई जना व्यक्तिहरु जुटेर मेशिनको फित्ता काटेर निकाल्यको र तनहुँ सेवा उपचारको लागि ल्याएका थिए । अस्पतालमा ल्याएर जाँच गरेपछि डाक्टरले केशवलाई मृत घोषणा गरेको थियो ।
