दुलेगौडा । तनहुँको शुक्लागण्डकी नगरपालिका–३ कवासेस्थित सिद्धिगणेश टोल विकास संस्थाले साहित्यकार र विद्यार्थीलाई सम्मान गरेको छ । सम्मानित हुनेमा लघुकथा संग्रह ’बार्दली’ का स्रष्टा टुकादेवी पौडेल आचार्य सहित एसईई उत्तीर्ण छात्रछात्राहरु बिपना कोइराला, जेनिस खड्का, करिना भुवाइ, आरती श्रेष्ठ, सृष्टि सिग्देल, अनुपा श्रेष्ठ र अपेक्षा कोइराला रहेका छन् ।
कार्यक्रममा बोल्दै वडा नं ३ का वडाध्यक्ष रामकुमार श्रेष्ठले सहपाठीलाई एक श्रष्टाको रुपमा सम्मान गर्न पाउनु आफ्नो लागि सौभाग्य भएको बताए । साथै उनले एसईईमा उत्कृष्ट नतिजा ल्याउने विद्यार्थीलाई बर्षैपिच्छे सम्मान् गरेर प्रोत्साहन थप्ने काम गरेको हुदाँ सिद्धिगणेश टोलले वडामै उत्कृष्ट र उदाहरणिय कार्य गरेको बताए ।
सिद्धिगणेश टोल विकास संस्थाका अध्यक्ष ऋषेश्वर भुवाईको अध्यक्षतामा भएको कार्यक्रममा वडा सदस्य विष्णुहरि गर्तौला, अभिभावकको तर्फबाट सावित्री सिग्देल, परोपकार आमा समुहको तर्फबाट मुना खड्का, टोल बिकास संस्थाको तर्फबाट जसमती थापा, सम्मानित विद्यार्थीहरुको तर्फबाट बिपना कोइराला ,संस्थाका सचिव कुस्माखर खत्री र सिद्धि गणेश बचत कोषका उपाध्यक्ष मुना कोइराला लगायतले बोलेका थिए ।
