दुलेगौडा । रिलायबल नेपाल लाइफ इन्स्योरेन्स दुलेगौडा शाखाको चौथो वार्षिकोत्सवको अवसरमा प्रसिद्ध धार्मिक स्थल ढोरबाराही मन्दिरमा डस्टविन वितरण गरेको छ ।
बीमा व्यवसायसंगै सामाजिक उत्तरदायित्व बहन गरी रिलायबल शुक्लागण्डकी नगरपालिका–९ नं वडाका वडा अध्यक्ष लोक नारायण श्रेष्ठ र पुजारी चिरन्जीबी लम्साललाई डस्टविन हस्तान्तरण गरेको शाखा प्रमुख शम्भु पौडेलले बताए । आगमाी दिनमा यस क्षेत्रमा जीवन बीमा सम्वन्धी जनचेतनामुलक कर्यक्रम संचालन गरि जीवन बीमाको महत्व र यसका फाइदा जनसमुदायमा पुराई सम्पुर्णलाई बीमा को दायरामा ल्याउने योजना बनाएको जानकारी दिएका थिए ।
डस्टविन हस्तान्तरण कार्यक्रममा बोल्दै वडाध्यक्ष श्रेष्ठले इन्स्योरेन्सले उपलब्ध गराएको डस्टवीनले मन्दिर वरपरको वातावरण सरसफाई र हराभरा राख्न टेवा पुग्ने बताए । कार्यक्रममा रिलायवल नेपाल लाइफ इन्स्योरेन्सका दुलेगौडाका चिफ ऐजेन्सी म्यानेजर जेजुराम पोख्रेल, ठान श्री गुरुङ, सुरज पौडेल, राहुल थापा, सजना राना लगायत सहभागी भएका थिए ।
