दुलेगौंडा । राष्ट्रिय शिक्षा दिवस २०८१ को अवसरमा आयोजित माध्यमिक विद्यालय स्तरीय नृत्य प्रतियोगितामा पञ्चमुनिदेव माध्यमिक विद्यालय प्रथम भएको छ । प्रतियोगितामा सहभागि २१ विद्यालयलाई पछाडि पार्दै पञ्चमुनि प्रथम भएको हो । जितसंगै पञ्चमुनिले नगद १२ हजार साथमा प्रमाण पत्र प्राप्त गरेको छ ।
यसरैगरी प्रतियोगितामा ज्ञान बगैचा इङलिस बोर्डिङ्ग स्कुल द्धितीय, अरनिको इङलिस बोर्डिङ्ग स्कुल खैरेनिटार तृतीय, अरनिको सेकेण्डरी बोडिङ्ग स्कुल कवासे र खैरेनी माध्यमिक विद्यालय सान्त्वना भएको छ । प्रतियोगितामा द्धितीय, तृतीय र सान्त्वना हुनेले ९ हजार, ७ हजार ५ सय र ४/४ हजार साथमा प्रमाण पत्र प्राप्त गरेको छ ।
किताबि ज्ञान मात्र नभई विद्यार्थीमा रहेको अन्तरनिहीत नृत्य क्षमताको प्रष्फुटन गर्नका निम्ति प्रतियोगिताको आयोजना गरिएको शिक्षा अधिकृत सुशील नरालले जानकारी दिए ।
शुक्लागण्डकी नगरपालिकाका नगर प्रमुख कृष्णराज पण्डितको सभापतित्वमा सम्पन्न कार्यक्रममा नगर उपप्रमुख खुमबहादुर विक राजु लगायत विभिन्न वडाका वडाध्यक्षहरुको उपस्थिती रहेको थियो ।
विद्यार्थी सम्मान कार्यक्रम
राष्ट्रिय शिक्षा दिवस २०८१ को अवसरमा शुक्लागण्डकी नगरपालिकाले कक्षा ८, १० र १२ मा उत्कृष्ट अङ्क ल्याउने सामुदायिक र संस्थागत विद्यालयका विद्याथी लाई सम्मान गरेको छ । सामुदायिक विद्यालयको कक्षा ८ को परिक्षामा छात्रतर्फ उत्कृष्ट अङ्क ल्याउन सफल जनकल्याण माध्यमिक विद्यालयका रोसन शाअ बानिया सम्मानित भएका छन् भने छात्रातर्फ पञ्चमुनिदेव माविका सुमित्रा पौडेल, खैरेनि माविका रुबिना श्रेष्ठ र ब्राईट फ्युचर सेकेण्डरी स्कुलका सलिना शाही सम्मानित भएकी छिन् ।
यसैगरी संथागत तर्फ कक्षा ८ को परिक्षामा छात्रतर्फ उत्कृष्ट अङ्क ल्याउन सफल नेपाल पुलिस स्कुलका आदित्य सेढाई र उत्सव थापा, अरनिको इङलिस बाेर्डिङ्ग स्कुल खैरेनीटारका सुगम पाेख्रेल पुरस्कृत भएका छन् भने छात्रातर्फ ज्ञान बगैचा ईङलिस बोर्डिङ्ग स्कुलका प्रमिसा पौडेल र प्रतिमा पौडेल पुरस्कृत भएका छन् ।
माध्यमिक शिक्षा परिक्षा एसइइमा सामुदायिक विद्यालयबाट उत्कृष्ट अङ्क ल्याएका खैरेनि माध्यमिक विद्यालयका सन्तोष कडेल र पञ्चमुनिदेव माध्यमिक विद्यालयका टुगा राना सम्मानित भएका छन् । यसैगरी एसइइ मा नै संस्थागत विद्यालयबाट उच्च अङ्क ल्याउन सफल बाल विद्याल मन्दिर सेकेण्डरी स्कुलका शिशिर अधिकारी र साहारा सेन ठकुरी पुरस्कृत भएका छन् ।
कक्षा १२ को माध्यमिक शिक्षा परिक्षामा सामुदायिक विद्यालयबाट खैरेनि माध्यमिक विद्यालयका सन्देश अधिकारी र गाउँफर्काेदय माध्यमिक विद्यालयका पवित्रा बराल पुरस्कृत भएका छन् भने संस्थागत विद्यालयतर्फ अरनिको सेकेण्डरी बोडिङ्ग स्कुलका अरुण कार्की र स्वस्तिका श्रेष्ठ पुरस्कृत भएका छन् ।
राष्ट्रिय शिक्षा दिवसको अवसरमा सम्मानित शिक्षकको नामावली
