दुलेगौंडा । मुक्तिनाथ शुक्लागण्डकी च्यवन धामले आयोजना गरेको शिव महिमा बोलबम धार्मिक महोत्सवको सोमबार समापन गरिएको छ ।
समापन कार्यक्रममा बोल्दै प्रतिनिधि सभा सदस्य शंकर भण्डारी समाजमा धार्मिक तथा नैतिक पक्ष कमजोर रहेको हुदाँ समाजमा द्धन्दको वातावरण सिर्जना भएको बताए । ‘समाजमा दिनानुदिन सम्बन्ध विच्छेदका घटना बढ्दै छ । समाज डरलाग्दो र अराजक बन्दै गएको छ । विद्यार्थीहरु देशप्रति विश्वास नभएर कक्षा १२ पास गरेपछि सकेसम्म विदेश जान चाहान्छन् । युवाहरु रोजगार नपाएर लागुपदार्थ दुव्यसनिमा लागेका छन् । देशमा आज मानिसहरुबिच जात, धर्म, भुगोल, धनि गरिबको नाममा द्धन्दको बढ्न लागेको छ । यसले धार्मिक तथा नैतिक पक्ष कमजोर हुदै गएको छ । यि सबैको निवारणको लागि धार्मिक आचरण ग्रहण गरी धार्मिक पर्यटन वृद्धि गर्न सकेमा देशमा आर्थिक विकास हुन सक्छ’ उनले भने ।
मूल समारोह समितिका संयोजक नारायण कुमार श्रेष्ठको सभापतित्वमा सम्पन्न कार्यक्रममा शुक्लागण्डकी नगरपालिकाका पूर्व मेयर किसान गुरुङ, नगर प्रमुख कृष्णराज पण्डित, च्यवन धाम समितिका अध्यक्ष होमनाथ लम्साल लगायतले मन्तव्य राखेका थियो । च्यवन धाम र गौं संरक्षण केन्द्रको एकिकृत विकास एवम् प्रवद्धनका गर्नका लागि धार्मिक महोत्सवको आयोजना गरिएको थियो । श्रावण २१ गतेदेखि २८ गतेसम्म भएको महोत्सवमा माधुर्य कथा वाचक पण्डित बालकृष्ण अर्यालले कथा वाचन गरेका थिए ।
