दुलेगौडा । शुक्लागण्डकी नगरपालिका वडा नं. ९ मा अवस्थित तालवेसी माध्यमिक विद्यालयमा असल अभिभावकत्व सम्बन्धि अन्तक्र्रिया कार्यक्रम सम्पन्न भएको छ ।
तालवेसी माध्यमिक विद्यालय, कक्षा ८ र ९ मा अध्ययनरत विद्यार्थीहरुविच सामाजिक भावनात्मक शिक्षा कार्यक्रम सञ्चालन भएपछि अभिभावकहरुविच आफ्ना बाबुनानीहरुविचमा भएको सकारात्मक परिवर्तनलाई बुझि उनिहरुको शारिरीक, मानसिक, सामाजिक एवं बौद्धिक विकासमा जोड दिन उक्त कार्यक्रमको आयोजना गरिएको विद्यालयका प्रधानाध्यापक ध्रुव वाग्लेले बताए ।
विद्यार्थीमा कितावी ज्ञानका अलावा सामाजिक सिपको विकास गराई चौतर्फी विकासमा जोड दिन सामाजिक भावनात्मक शिक्षा कार्यक्रमको महत्व रहेको बताउँदै विद्यालयकी सह नायक एवं कक्षा ९ कि विद्यार्थी युविका राउतले सामाजिक सहकार्य , समानुभूति, सहानुभूति एवम मनको भावनाका सकारात्मक भावना विकासका आयामहरु सिकेको बताईन् । सिकाईका विभिन्न चरणहरुको अनुभव आदन प्रदान गर्दै कक्षा ८ का विद्यार्थीहरु प्रशिक्षा पाठक र लक्ष्मी पौडेलले आफुहरुले सिकेका सामाजिक सिपले आफु, परिवार र समाजमा सकारात्मक भूमिका खेलेको बताए । कार्यक्रमको उद्घाटन सत्रको समापन गर्दै विद्यालय व्यवस्थापन समितिका अध्यक्ष एवम् कार्यक्रमका अध्यक्ष विनोद राउतले विद्यार्थीको सिकाईलाई बस्तुनिष्ठ र व्यवहारिक बनाउँदै समाजमा आवश्यक पर्ने दक्ष जनशक्ति उत्पादनमा सामाजिक भावनात्मक सिकाई कार्यक्रमको महत्वपूर्ण भूमिका रहेको बताए ।
अभिभावकको अतिरिक्त विद्यालय व्यवस्थापन समितिका सदस्यहरु, विद्यालयका शिक्षक अभिभावक संघका पदाधिकारीहरु समेतको उपस्थिति रहेको कार्यक्रममा कक्षा ८ का विद्यार्थीहरुको नृत्य समेत प्रस्तुतीकरण गरेको थिए । द स्कुल अफ नन्भ्वाईलेन्सका अन्तराष्ट्रिय सहजकर्ता श्रीराम तिमल्सिनाले सहजिकरण गर्नुभएको उक्त कार्यक्रमको सञ्चालन विद्यालयका अतिरिक्त क्रियाकलाप संयोजक शिक्षक दामोदर रेग्मीले गरेका थिए । कार्यक्रममा बोल्दै अभिभावकहरुले यस्ता सामाजिक भावनात्मक कार्यक्रमलाई कुनै कक्षा विषेशलाई मात्र नगरी अन्य कक्षा सहित शुक्लागण्डकीको हरेक टोल टोलमा समेत लैजान सुझाउनुभएको थियो ।
