दुलगाैडा । शुक्लागण्डकी नगरपालिकाले कक्षा ११ को छात्रवृत्तिका लागी श्रावण ५ गते लिएको परीक्षाको नतिजा सार्वजनिक गरेको छ ।
शुक्लागण्डकी नगरपालिका छात्रबृत्ती व्यवस्थापन समितिको आईतवार वसेको वैठकको निर्णय अनुसार शैक्षिक सत्र २०८१ मा नगर भित्रका कक्षा ११ मा छात्रबृत्तीमा अध्ययनका लागि विभिन्न समुहका लागी गरीएको सुचना अनुसारकाे नतिजा सार्वजनिक गरेको हो । नगरपालिका अन्तरगतका सामुदायिक तथा संस्थागत विद्यालयहरुमा तोकीएको नि:शुल्क छात्रवृत्तिको आरक्षित कोटामा अध्ययन गर्नका लागि नगरपालिकाले आवेदन माग गरेको थियो । परीक्षामा सम्मिलित विद्यार्थी मध्य ३५ जनाले पुर्ण छात्रवृत्तिमा अध्ययन गर्न पाउने भएका छन् । जसमध्ये विज्ञान समुहमा ८ जना, शिक्षा समुहमा ६ जना र व्यवस्थापन समुहमा २१ जना रहेका छन् ।
