शुक्लागण्डकी नगरपालिकाले बुधबार सडक मापदण्ड भित्रका संरचना हटाई सडक निर्माण कार्यमा सहजीकरण गरीदिने सम्बन्धी अत्यन्त जरुरी सार्वजनिक सूचना जारी गरेको छ । नगर प्रमुख कृष्णराज पण्डितले जारी गरेको सूचनामा ७ दिन भित्र सडक सडक निर्माणका लागि सरचना हटाई खाली गर्न अनुरोध गरिएको हाे ।
पृथ्वी राजमार्गको बिस्तार आयोजना अन्तर्गत शुक्लागण्डकी नगरपालिका भित्रका क्षेत्रमा निर्माण कार्य ढिलाई भएको भन्दै नागरिक समाजको तर्फबात दबाब सिर्जना भए संगै सोमबार शुक्लागण्डकी नगरपालिकाको समन्वयमा सर्बपक्षीय छलफलको आयोजना गरिएको थियो । बिशेष गरी बजार क्षेत्रमा सडक निर्माण गर्नका लागी पुरानो राजमार्गको पक्कि सडक भत्काएर नयाँ सडक निर्माण नहुदा उत्पन्न असरले नागरिकको स्वास्थ्यमा समेत प्रतिकुल असर पारेको भन्दै आइतबार नागरिक अभियन्ता परशुराम भण्डारीको नेतृत्वमा उद्योग बाणिज्य संघ, नागरिक समाज, युवा अभियान लगाएत अन्य सामाजिक व्यक्तित्वहरुले नगर प्रमुखलाई भेटि सडक निर्माणको कार्य तत्काल अगाडी बढाउन पहल गर्नका लागी दबाब दिएका थिए |
आइतबारनै भएको छलफल अनुसार सोमबार बिहान नगर प्रमुख कृष्णराज पण्डितकाे अध्यक्षतामा नगर सभा हलमा जिल्ला समन्वय समिति तनहुँका प्रमुख शान्ति रमण पौडेल, प्रमुख जिल्ला अधिकारी जनार्दन गौतम, आयोजना प्रमुख राजेश प्रसाद पौडेल, बिद्युत प्रधिकरणका केन्द्र प्रमुख, सुरक्षा निकायका प्रमुख, ठेकेदारका प्रमुख लगाएत सबै पक्षको उपस्थितिमा नगरपालिका कार्यपालिका सदस्यहरु समेत उपस्थितिमा छलफल सम्पन्न भएको थियो |
लामाे समय सम्म केही व्यक्तिका कारण सडक निर्माण कार्य अबरुद्ध भएकाे कारण नगरपालिका र जिल्ला प्रशासन कार्यालयलाई वल प्रयाेग गरेर सडक क्षेत्राधिकार भित्रका सरचना हटाउन दबाब परेपछी याे सुचना जारी भएकाे हाे ।
