हरि खरेल/दुलेगौँडा । तनहुँको शुक्लागण्डकी नगरपालिका पशु सेवा शाखाले घाँसको विउ वितरण गर्ने भएको छ । पशु आहार विकास कार्यक्रम अन्र्तगत रहेर शाखाले घाँसको विउ वितरण गर्न लागेको नगरपालिकाका कृषि शाखा प्रमुख नवराज पण्डितले बताए ।
आर्थिक बर्ष २०७८÷७९ को स्विकृत कार्यक्रम अन्र्तगत रहेर ५० प्रतिशत अनुदानमा घाँसको विउ वितरण गर्न लागेको शाखा प्रमुख पण्डितले जानकारी दिए । ‘हिउदँको समयमा पर्याप्त मात्रामा हरियो घासँको अभाव रहने हुदाँ हिउदे जै घाँस वितरण गर्न लागेका हौ,’ उनले भने, ‘हामीले आजको दिनदेखी (मंगलबार) २१ दिनभित्र पशुपालक किसानलाई निवेदन पेश गर्न लगाएका छौ, निवेदन संकलन गरे पश्चात हामी अनुदाँनमा घासको विउँ वितरण गर्ने छौ ।’
किसानले निवेदन र नागरीकताको प्रतिलिपि सहित नजिकको पशु शाखामा निवेदन पेश गरेपछि अनुदानमा घाँसको विउ पाउने छन् । यस पटक शुक्लागण्डकी नगरपालिका पशु सेवा शाखाले १ लाख ५० हजार रुपैयाँ लागतमा यो कार्यक्रम संञ्चालन गर्न लागेको छ ।
