दुलेगौंडा । शुक्लागण्डकी भेटेरिनरी अस्पताल, बेलचौतरामा बुधबारदेखि कुकुर बन्ध्याकरण कार्यक्रम शुरु भएको छ ।
एफ ए ओ नेपाल र पशुसेवा विभागको आयोजना, केन्द्रिय रिफरल पशु चिकित्सालयको सहयोग र भेटेरिनरी अस्पताल तथा पशुसेवा विज्ञ केन्द्र अनि शुक्लागण्डकी नगरपालिका पशुविकास शाखाको समन्वयमा शुक्लागण्डकी भेटेरिनरी अस्पतालमा आजबाट चलेको तीनदिने कुकुर बन्ध्याकरण कार्यक्रममा बुधवार पहिलो दिन १०२ वटा कुकुरको बन्ध्याकरण गरिएको शुक्लागण्डकी नगरपालिकाका पशु शाखा प्रमुख मुक्ति पौडेलले बताए ।
शिबिर बिहिवार र शुक्रबार संचालन हुने भएकोले आफ्नो एरियामा रहेका सामुदायिक कुकुरहरूलाई जम्मा गरेर शाखामा सम्पर्क गर्नुका लागी अनुरोध गरिएको छ । सन् २०३० सम्ममा कुकुरको टोकाईबाट हुने मानव मृत्यु शुन्यमा झार्ने सरकारी लक्ष पुरा गर्ने लक्ष्यका साथ यो शिबिर आयोजना गरिएको उनले बताए ।
