तनहुँ । गण्डकी प्रदेश स्तरीय भलिबल संघमा तनहुँ जिल्लाका टुकबहादुर गुरुङ सदस्यमा चयन भएका छन् । शनिबार पोखरा स्थित सृजनाचोकमा भएको चौथो साधरण सभा तथा अधिवेशनबाट गुरुङ सदस्यमा चयन भएका हुन् । गुरुङ असार ७ गते भएको तनहुँ जिल्ला भलिबल संघको साधरण सभाबाट एकमात्र प्रदेश प्रतिनिधिमा चयन भएका थिए ।
राष्ट्रिय स्तरका रेफ्रि समेत रहेका गुरुङ लामो समयदेखी भलिबल खेलको संरक्षण गर्ने र दक्ष खेलाडीको उत्पादन गर्न कार्यमा निरन्तर लागि परेका छन् । प्रदेश स्तरीय भलिबल संघको सदस्य भएपछि शुक्ला न्यूजसंग कुराकानी गर्दै स्थानीय स्तरमा खेलेका खेलाडीलाई सहि मार्ग निर्देशन गरि राष्ट्रिय स्तरको खेलाडी तयार गर्न लागि पर्ने बताए ।
गण्डकी प्रदेश स्तरी भलिबल संघमा नविन गुरुङ अध्यक्षतामा १३ सदस्यीय कार्यसमिति चयन भएको छ ।
उपाध्यक्षमा हरिकुमार श्रेष्ठ र महासचिवमा तहलसिंङ थापामगर चयन भएका छन् । सचिवमा सोम पौवि चयन हुँदा कोषाध्यक्षमा जीवन भण्डारी चयन भएका छन् । सदस्यहरुमा कमला शिरिष, राजेन्द्र जिसी, टुकवहादुर गुरुङ, गजेन्द्र वन, राजाबाबु श्रेष्ठ, गंगा केसी, नौराज गुरुङ र रमेश श्रेष्ठ चयन भएका छन् ।
