दुलेगौंडा । तनहुँको भिमादमा भोलि (असार १७ गते) गतेदेखि ६८ करोड भलिबल कप सुरू हुने भएको छ । टिम ६८ करोडको आयोजना र पिरूङ्ग स्पोर्टस क्लबको सहआयोजनामा क्लब स्तरीय भलिबल प्रतियोगिता हुन लागेको हो ।
प्रतियोगितामा विजेताले नगद १ लाख ११ हजार ६८, द्वितीय हुनेले ७७ हजार ६८, तृतीय हनेले ४४ हजार ६८ र सान्त्वना हुनेले २२ हजार ६८ रूपैयाँ साथमा शिल्ड, मेडल र प्रमाणपत्र प्राप्त गर्ने छ । प्रतियोगिताको सर्वोत्कृष्ट खेलाडीले ५ हजार ६८ साथमा शिल्ड प्राप्त गर्ने छन् । यसैगरी उत्कृष्ट स्पाइकर, ब्लकर, सेटर, सर्भर, उदयमान खेलाडी र उत्कृष्ट कोचले नगद ३ हजार ६८ प्राप्त गर्ने छन् ।
क्लबका अध्यक्ष विवश आले मगरको सभापतित्वमा सम्पन्न पत्रकार सम्मेलनमा भिमाद नगरपालिकाका नगरप्रमुख ददिराज सुवेदी, भिमाद उद्योग वाणिज्य संघका अध्यक्ष चतुर्भुज सुवेदी लगायतले बोलेका थिए । कार्यक्रमको सञ्चालन शिव आलेले गरेका थिए ।
