दमौली । लागु औषध मुद्दामा फरार एक व्यक्ति २ बर्ष पछि पक्राउ परेका छन् । पक्राउ पर्नेमा तनहुँ जिल्लाको आबुँखैरेनी गाउँपालिका–२ एक्लेफाँट बस्ने २६ बर्षीय आशिष रामदाम रहेको जिल्ला प्रहरी कार्यालय तनहुँ प्रहरी नायव उपरीक्षक युवराज तिमिल्सिनाले जानकारी दिए ।
तनहुँ जिल्ला अदालतको फैसालाबाट तोकीएको दण्ड सजाय र जरिवाना भुक्तानि नगरि वि.सं.२०७६ साउन १ गते देखी फरार रहेका रामदामलाई आईतबार प्रहरीले पक्राउ गरेको तिमिल्सिनाले बताए । निज रामदामलाई २६ दिन कैद र २ हजार २ सय जरिवानाको लागि जिल्ला अदालत उपस्थित गराएको प्रहरीले जनाएको छ ।
