हरि खरेल/कोत्रे । पोखारालाई काठमाडौं उपत्यकासम्म जोड्ने एक सय ७४ किमी लामो पृथ्वीराजमार्ग देशकै मुख्य राजमार्ग अन्र्तगत पर्दछ । दैनिक हजारै सवारी साधन ओहोर दोहोर हुने हुदाँ राजमार्गमा सवारी साधन व्यस्त देखिन्छ । देशकै मुख्य राजमार्ग र हजारै सवारी साधन आवत जावत हुने भएता पनि ठाउँ ठाउँमा रहेको खाल्डा खुल्डीले सडकको अवस्था जिर्ण बनाएको देखिन्छ । तनहुँको शुक्लागण्डकी नगरपालिका वडा नं. २ कोत्रे देखी दुलेगौंडासम्मको पृथ्वीराजमार्गको सडक खण्डमा साना तथा ठुला गरि करीब दुई सय ५० भन्दा बढी खाल्डा खुल्डी रहेको देखीन्छ ।
राजमार्गको कोत्रे दुलेगौंडा सडाक खण्ड हुदै आवत जावत गर्ने यात्रुहरु डराउदै यात्रा गर्नु परेको छ । साथै कतिपय यात्रुहरुको बाईक स्कुटर त राजमार्गमा नै पल्टीएर सस्ति खेप्नु परेको छ ।
दमौली पोखरा दैनिक रुपमा आवात जावत गर्ने बसका चालक सोमबहादुर रसाईलिले दुलेगौडा देखी कोत्रे सम्मको बाटो निकै जोखिमपूर्ण रहेको बताएका छन् । साथै बसलाई पनि निकै मार परेको र स्थानीय जनताहरुले पनि निकै सस्ति खेप्नुपरेको बताए । “यो बाटो खास कहिले सम्पन्न हुने हो ? के बाटो सधै यस्तो नै हुने हो ?” उनले भने,“बाटो चाही अब राम्रो बनाउनुपर्ने भयो, हामीलाई साह्रै गाह्रो भईरहेको छ ।”
यस गरि सोही बाटो हुदै स्कुटर चलाएर आएकी सुनिता गुरुङ बाटोको अवस्था देखेरै बिचमै केही बेर अलमलमा परिन । उनका अनुसार बाटो खालि भएपछि जसो तसो गरेर गाह्रो बाटो पार गर्न सकेको बाताईन् । साथै दुबैतिरबाटा सवारी साधन आएको बेलामा त झन आफु हक्कानिने हुदाँ दुर्घटना परि ज्यानै जान सक्ने अवस्था पनि हुन सक्ने बताईन् । “अब यो बाटो हेर्ने कोल्ले हो त्यो त हामीलाई थाहा छैन्, तर उहाँहरुले देख्न त देख्नु भएको छ होला १” उनले भनिन्,“कि देखेर नि नदेखेको जस्तो गर्नु भएको हो ? की जे गरे पनि चल्छ नेपालमा भनेर बस्नु भएको हो ?” उनले प्रश्न समेत गरेकी छिन् ।
आफुले दैनिक ओहोर दोहोर गर्ने रार्जमार्गको बाटोको स्थिति निकै दर्दनाक रहेको कोत्रे निवासी राजु नेपालिले बताए । केही समय अगाडी बाटोमा टालटुल गर्ने कार्य भएता पनि काम सम्पन्न भएको केही दिनपछि नै बाटो खाल्डा खुल्डीकै अवस्थामा पुगेको बताए । “बाटोको बिषयमा कोस्ले चासो दिने हो ? कस्ले हेर्नु पर्ने हो ?, कस्ले बनाउन पर्ने हो ? सबैजना मसखदर्शक भएर हेरीरहेका छन्, हामी यात्रुहरुलाई चाही अत्यन्तै भन्दा अत्यन्तै जोखीम छ ।” उनले भने ।
पोखरा देखी दमौलीसम्म जान लागेका मोटर चाल गुमबहादुर मगरले सामन्य १० मिनेटमा पार गर्ने बाटोमा करिब २०देखी २५ मिनेट सम्म लागेको बताए । पोखरा देखी दमौली सम्ममा हेर्दा सबैभन्दा गाह्रो हलेदी क्षेत्रमा रहेका बताए । केही दिन अगाडी हलेली क्षेत्रमा आफ्नै आँखा अगाडी स्कुटर पल्टेर सानो बच्चा घाईते समेत भएको बताए । “बाटो त अत्यन्तै जोखीम छ, कही बाईकहरु आएर ठोक्किनै खोज्छ, हेर्दा हेर्दै आफ्नै अगाडी बाईकहरु पल्टिन्छ, अनेक भईरहन्छ यहाँ ।”उनले भने “बाटो बनाउने सम्बन्धीत निकायले छिटो भन्दा छिटो बटो बनाईदिनु प¥र्याे, बाटो मर्मन नगरेर दुख सास्ति दिनु भएन जनतालाई ।”
बाटोको अवस्था जिर्ण रहेकाले मईक्रोबस चलाउन पनि निकै गाह्रो हुने र सवारीको पाटर्पुजा पनि बिग्रेर समस्या खेप्नुपरेको काठमाडौ पोखरा माईक्रो बसका चालक सरुेस गिरिले बताए । उनले बाटोको चाडै मर्मत भई सहज बाटावरणमा हिड्न पाईन्छ कि भन्ने आशमा छन् ।
बाटोको अवस्था जिर्ण बनेपछि दिनमा नै ४÷५ वटा सम्म बाईक स्कुटर पल्टेको दिखिने स्थानिय सागर थापाले बताए । साथै केही दिन अगाडी बाटोकै कारण सवारी दुर्घटना भई झगडाको अवस्था पनि सिर्जना भएको बताए । सडक छेउमै घर रहेको हुदाँ पानी पर्दा बाटो हिलो भएर र घाम लाग्दा घुलो उडेर निकै दुख भोग्नुपरेको उनको भनाई छ ।
उता शुक्लागण्डकी नगरिक समाजका अध्यक्ष खेमराज खनालले दुलेगौंडा देखि कोत्रे सम्मको सडक हरेक बर्ष क्षेदबिच्छेद भईरहेको बताए । साथै क्षेत्रमा क्रशर उद्योगहरु प्नि संञ्चालन हुने हुदाँ बाटो बिग्रन पुगेको उनको आकलन छ । बाटोको अवस्था बिजोक भए पछि जिल्ला समन्वय समिति तनहुँलाई पनि खबर गरेको बताए ।
पछिल्लो समय परेको निरन्तर बर्षाका कारण बाटोको कोत्रे दुलेगौंडा सडक खण्डमा खाल्डाखुल्डी देखा परेको बताए । स्थानीयहरुबाट पनि गुनासो आएको र पत्रकारहरुले पनि यसको बिषयमा कुरा उठाएको हुदाँ तत्काल निर्देशन बाटो बनाउनका लागि सडक डिभिजनलाई निर्देशन दिएको बताए ।
बाटोमा पानीको निकास हुन नसकदा बाटो बिग्रन पुगेको सडक डिभिजन कार्यालय तनहुँका प्रमुख अमित कुमार श्रेष्ठले जानकारी दिए । मानिसहरुले घरको संरचना बनाउदाँ सडक अतिक्रमण गर्ने, नाला पुर्ने लगायतको कार्य हुदाँ नालामा बग्ने पानी बाटोमा बग्दा सडक जिर्ण बनेको उनको भनाई छ । शुक्ला न्यूजसंग कुराकानि गर्दै श्रेष्ठले बाटोको लागि कार्य सुरु गरि बुधबार सम्म सडक सहज बनाउने बताए । साथै स राष्ट्रिय आयोजना पनि संञ्चालन हुन लागेकाले केही समयको लागि सहज वातावरण तयार गर्ने बताए ।
यो भिडियो पनि हेर्नुहोस ।
