दुलेगौंडा । तनहुँमा आज तीन जनामा कोरोना संक्रमण पुष्टि भएको छ भने एक जनाको मृतयु भएको छ ।
मृत्यु हुनेमा जिल्लाको घिरिङ गाउँपालिका–५ का ७० बर्षिय पुरुषको मृत्यु भएको स्वास्थ्य निर्देशनालय गण्डकीले जनाएको छ । उक्त पुरुषलाई गत सोमबार (कत्तिक २९) गते कोरोना संक्रमण पुष्टि भएको थियो । संक्रमित भएपछि संक्रमण रोग अस्पताल, पोखरामा उपचारको क्रममा आज विहान उनको मृत्यु भएको स्वास्थ्य निर्देशनालयले जनाएको छ । यो संगै जिल्लामा कोरोना संक्रमणबाट मृत्यु हुनेको संख्या १ सय ४६ पुगेको छ ।
जिल्लामा २४ घण्टा भित्र १७ जनाको पिसिआर तथा एन्टिजेन विधिद्धारा कोरोना परिक्षण गरिएको स्वास्थ्य कार्यालय तनहुँले जनाएको छ । हालसम्म जिल्लामा ६ हजार सात सय ८१ जनामा कोरोना संक्रमण पुष्टि भएको छ भने ६ हजार ६ सय १३ जना निको भईसकेका छन् । हला तनहुँ जिल्लामा २२ जना सक्रिय संक्रमित रहेका छन् ।
