दुलेगौंडा । कोरोनाको संक्रमण जोखिम न्यूनिकरण गर्नका लागि सरकारले खोप वितरण कार्यलाई तिब्रता दिदै आएकोे छ । तर खोप केन्द्रमा खोप लगाउन आउने मानिसहरुको भिडले भने थप कोरोना संक्रमणको जोखिम बढ्न सक्ने अवस्था देखिन्छ । जुन दृष्य बिहीबार तनहुँको शुक्लागण्डकी नगरपालिका–४ दुलेगौंडा स्थित दुलेगौंडा खैरेनिटार हेल्थपोष्टमा पनि देखिएको थियो ।
शुक्लागण्डकी नगरपालिका–८ का खुम थापाले कोरोनाबाट बाँचिन्छ कि भनेर खोप लगाउन आए पनि खोप केन्द्रमा भएको भिडले उल्टै कोरोना लाग्न सक्ने अवस्था रहेको बताए । ‘विहानैदेखि खोप लगाउनका लागि यहाँ सम्म आईयो । तर यहाँ भिड व्यवस्था हुन अलि गाह्रो भयो । यस्तै हुने हो भने मेरो बिचारमा कोरोना चाही अझै बढ्छ ।’
खोप लगाउनका लागि पेलापेल गर्नुपर्दा कोरोनाको जोखिम बढी भएको ढोरर्फिदीका मिबनहादुर अधिकारीले बताए । ‘लाईनमा अलि खुल्ला गरिदिएको भए हुन्थ्यो, कि आएको मान्छेलाई फटाफट सुई लगाउदै पठाएको भए यति भिड हुन पाउथ्यन् । कोरोनाको पनि त्यति डर हुन्थ्यन । अहिले त हामी यहाँ पेलापेल गर्दा नआएको कोरोना पनि झन झ्याङ्गिने जस्तो छ ’उनले भने ।
खोप लगाउन पालो पर्खिरहेकी एक महिला भिडदेखि अलि टाढा बसिरहेकि थिईन् । उनले खोप लगाउन आउने मानिसहरु धेरै हुदाँ आफुलाई खोप लगाउन डर लागेको बताईन् । ‘खोप लगाउन आए पनि झन त्यसै खोप नलाउदै कोरोना लाग्ला भन्ने डर छ’, उनले भनिन् ।
खोप केन्द्रको तत्कालिन अवस्था हेर्दा कोरोनाको तेस्रो लहर झन फैलिनि सक्ने अवस्था रहेको शुक्लागण्डकी उद्योग बाणिज्य संघका अध्यक्ष हरिकुमार श्रेष्ठले बताए । खोप लागाउन आउने जनता पनि अलि सचेत नहुदाँ यस्तो परिस्थिती सिर्जना भएको बताए । ‘कोरोनाको खोप लगाउन आउने जनतामा सचेतनाको कमि भएको मलाई लाग्छ । किन भने, वडा–वडामै हिजो अस्थि पनि खोप लगाएको थियो । र आजै नै किन स्वास्थ्य शाखामा यसरी भिड लाग्यो भन्नेमा चाही म पनि बुझदै छ’, उनले भने ।
खोप केन्द्रमा भिड बढेपछि व्यवस्थापन गर्न अत्यन्तै गाह्रो महशुस भएको शुक्लागण्डकी नगरपालिका–४ का वडाध्य शिवकुमार श्रेष्ठले बताए । ‘भिड व्यवस्थापन गर्न साह्रै गाह्र भएको छ । यसलाई व्यवस्थापन गर्नका लागि कर्मचारीहरुलाई पनि भनिरहेको छु । कर्मचारीलाई पनि अफ्ट्यारो परेमा नगर प्रहरिलाई पनि खटाउन लागेको छु’ उनले भने । खोप लागउन आउनेहरुलाई पनि आफु स्वयमले दुरी कायम गर्नका लागि अनुरोध गरिरहेको बताए ।
शुक्लागण्डकी नगरपालिका भित्रका ३५ हजार जनता रहेको र उनिहरु सबैलाई एक महिना अगाडी नै खोप दिएर लक्ष्य पुरा गरेको स्वास्थ्य शाखा प्रमुख अजयकुमार श्रीवास्तवले बताए । ‘निर्धारित लक्षय पुरा गरे पनि बाकी रहेका १/२ सय जना छुटपुटलाई पनि खोप लिने अवसरबाट बञ्चित नगरौ भनेर खोप ल्याईयो । विहान खोप लगाउन आउने जनताहरु देखेर म आफै दंग परे । पछि भिड व्यवस्थापन गर्न गाह्रो भएपछि प्रहरी बोलाएर भिड व्यवस्थापन गरियो’,उनले भने । अस्वभाविक जनता आएपछि खोप वितरणमा समस्या सिर्जना भएको श्रीबास्तवको भनाई छ ।
कोरोनाको बिषयमा जनताहरु जानकार हुदाँ हुदै पनि जनता आफै सचत हुन नखोजेको शाखा प्रमुख श्रीवास्तवले बताए । उनका अनुसार बिहीबार खोप केनद्रमा देखिएको भिडले संक्रमणदर बढ्ने सक्ने आकलन गरिएको छ । यसको लागि स्वास्थ्य शाखाले तत्काल बैठक बसेर कोरोना रोकथामका लागि लागि पर्ने छ ।
