राजनीतिमा ईमान्दार र कर्तव्यनिष्ठलाई मात्रै पार्टीमा स्थान दिनुपर्ने नेपाली काँग्रेसका महामन्त्रि विश्व प्रकाश शर्माले वताएका छन ।
नेपाली काग्रेसको प्रतिनिधि सभा क्षेत्र नं २ को आयोजनामा दुलेगौडामा शनिवार सम्पन्न क्षेत्रिय सम्मेलनमा वोल्दै महामन्त्री शर्मा आफ्नो परीवार र समाजको उत्तरदायित्व वहन गर्न नसक्ने व्यक्तिलाई राजनितिमा ल्याउदा त्यसले गम्भिर असर निम्त्याउने वताए । “घरमा वुवा आमालाई हेर्दैन आफ्ना छोरा छोरीलाई ध्यान दिदैन भनेर त्यसले देशको कसरी सेवा गर्न सक्छ?” उनले प्रश्न गरे ।
व्यवहारिक राजनीति अहिलेको आवश्यकता रहेको वताउदै उनले नेपाली काँग्रेस चिया पसल र चोकमा गफ लगाएर वस्दा वास्तविक धरातल गुमाउने खतरा रहेको समेत वताए । उनले नेपाली काग्रेसले देशमा गरेको ऐतिहासिक योगदानहरुको खुलेर जनतालाई वुझाउन नसक्नु नै मुख्य कमजोरी रहेको भन्दै नेपाली काँग्रेसको नेतृत्वमा भएका विकास योजना तथा परिवर्तनहरुलाई जनता माझ लैजान कार्यकर्तालाई अनुरोध गरे ।
नेकपा माओवादीले भनेझै नेपाली काँग्रेस उसको पछी लागेको नभई नेपाली काग्रेसको पछि लागेर रोल्पाबाट हतियार सहित माओवादी काठमाण्डौ ल्याएर राष्ट्रिय मुलधारको राजनीतिमा ल्याउने काम नेपाली काग्रेसलेनै गरेको समेत उनले वताए । राजनतन्त्र प्रशंग उठाउदै उनले राजा आउले वित्तिकै सवै समस्या हटछन भनेर भन्नु हास्यापद भएको वताए ।
