काठमाडौं । संयुक्त राष्ट्र संघले विश्वमा झण्डै ७८ करोड मानिस भोकमरीको समस्यामा रहेको जनाएको छ।
खाद्य तथा कृषि संगठन (एफए), अन्तर्राष्ट्रिय कृषि विकास कोष (आईएफएडी), संयुक्त राष्ट्र बाल कोष, युनिसेफ, विश्व स्वास्थ्य संगठन (डब्ल्युएचओ) तथा विश्व खाद्य कार्यक्रम (डब्ल्युएफपी)ले संयुक्त रुपमा जारी गरेको एक रिपोर्टअनुसार सन् २०२२ मा कुल ६९ करोड देखि ७८ करोड मानिसले भोकमरीसँग लड्नु परेको छ।
राष्ट्र संघले भोकमरीबाट अफ्रिकी देशहरु सबैभन्दा बढी प्रभावित भएको उल्लेख गरेको छ। जहाँ प्रत्येक ५ जनामध्ये एक जना भोकमरीको मारमा छन्। विश्वभर पोषिलो खानेकुराबाट बञ्चित हुनेको संख्या पनि थपिँदै गएको छ।एजेन्सी
