तनहुँ । आइसिसी विश्वकप छनोटको प्लेअफ अन्तर्गत सातौं स्थानको लागि भएको खेलमा नेपालले आयरल्याडलाई २६९ रनेको लक्ष्य दिएको छ । जिम्बावेको ताकाशिंका क्रिकेट स्पोर्ट्स क्लबमा टस हारेर पहिला ब्याटिङ गरेको नेपालले ५० ओभरमा ९ विकेट गुमाउँदै २ सय ६८ रन बनायो ।
प्रतियोगितामा आठौं विकेटका सन्दीप र गुलशन झाले ८० रनको कीर्तिमानी साझेदारी गरे । यो नेपालबाट ओडिआईमा आठौं नम्बरको लागि भएको उच्च साझेदारी हो । यअअघि आठौं विकेटका लागि दीपेन्द्र र सन्दीपले आइतबार युएईविरुद्ध ७९ रनको साझेदारी गरेका थिए ।
नेपालका गुलशन झाले ४२ बलमा ४ चौका र ३ छक्कासहित ५७ रनमा नटआउट रहे भने अर्जुन साउद अर्धसतक हुनबाट चुके । जहाँ उनले ४८ रन जोडेका थिए । खेलमा कुशल मल्ल ४४ रनमा, सन्दिप ३२ रनमा र क्याप्टेन रोहित पौडेल २९ रनमा क्याच आउट भए । यसैगरि भीम सार्की २० रन, ओपनर कुशल भुर्तेल ८ रन, ज्ञानेन्द्र मल्लले ७ रन, करण केसी ४ रनमा आउट भए भने दीपेन्द्र सिं ऐरी आयरल्यान्डविरुद्ध भने खाता खोल्न नसकी आउट भए ।
