दुलेगौंडा । गोरखा जेसीज गोरखाद्धारा गोरखा नगरपालिका–९ दलभञ्ज्याङस्थित कृत्रिम घाँसे मैदानमा आयोजित दोस्रो गोरखा जेसीज फुटसल प्रतियोगिताको उपाधी तनहुँको शुक्लागण्डकी जेसीज ‘बि’ ले हात पारेको छ । शनिबार भएको फाइनल खेलमा शुक्लागण्डकी जेसीज ‘बि’ ले गोरखा जेसीजलाई ४–२ गोल अन्तरले पराजित गर्दै उपाधी बिजेता बनेको हो ।
बिजेता शुक्लागण्डकी जेसीज ‘बि’ ले नगद ५५ हजार,ट्रफी मेडल र प्रमाणपत्र प्राप्त गरेको छ भने उपबिजेता गोरखा जेसीजले नगद ३५ हजार ट्रफी, मेडल र प्रमाणपत्र प्राप्त गरेको गोरखा जेसीजका महासचिव बुद्धी जोगीले बताए । प्रतियोगितामा गोरखा जेसीजका जमिर मास्के उकृष्ट खेलाडी घोषित भएका छन् । शुक्लागण्डकी जेसीज टिम ‘बी’ का कप्तान विशाल अधिकारी उच्च गोलकर्ता र बालकृष्ण भुजेल उत्कृष्ट गोलरक्षक घोषित भएको जोगीले जानकारी दिए । उनीहरुले जनही दुई हजार नगद पुरस्कार र प्रमाणपत्र प्राप्त गरेका छन् ।
यसैगरि व्यास नगर जेसिजले फेयर प्ले अर्वाड प्राप्त गरेको छ । पोखरा जेसीज अनुशासित टिम घोषित भएको छ । प्रतियोगितामा विभिन्न शाखाको ८ टिमको सहभागीता रहेको थियो । गोरखा जेसीज सेमिफाइनलमा शुक्लागण्डकी जेसीज टिम ‘ए’ लाई पराजित गरी फाइनल प्रवेश गरेको थियो भने शुक्लागण्डकी जेसीज टिम ‘बी’ले सेमिफाइनलमा व्यास नगर जेसिजलाई पराजित गरी फाइनल प्रवेश गरेको थियो । गत वर्षबाट सुरु भएको यस प्रतियोगितालाई आगामी दिनमा पनि निरन्तरता दिइने गोरखा जेसीजका अध्यक्ष सुजित श्रेष्ठले बताए । प्रतियोगिताले युवा नेतृत्वको विकाससँगै खेलकुदको विकास र समुदायमा युवाहरुको महत्वपूर्ण सहभागिता अतुलनिय रहेको उनको भनाई छ ।
श्रेष्ठको अध्यक्षता तथा गोरखा नगरपालिका प्रमुख कृष्णबहादुर राना मगरको प्रमुख आतिथ्यतामा भएको पुरस्कार वितरण कार्यक्रममा नगरपालिकाकी उप्रमुख मसलीमाया थोकर, नेपाल जेसीज २०२६ का राष्ट्रिय उपाध्यक्ष (एरिया बी) आर्योग्य श्रेष्ठ लगायतले मन्तव्य राखेका थिए । समापन कार्यक्रममा शुक्लागण्डकी जेसीजका पूर्व अध्यक्षहरु को सहभागीता रहेको थियो भने कार्यक्रम संयोजक समिर कुँवरले कार्यक्रम सफल बनाउन सहयोग गर्ने सम्पूर्णप्रति आभार व्यक्त गरेका थिए ।
