दुलेगौडा । जिके साउण्डले फुटबलप्रेमीहरूलाई लक्षित गरी विश्वकपका सेमिफाइनल तथा फाइनल खेलहरू विशाल एलइडी स्क्रिनमार्फत प्रत्यक्ष प्रसारण गर्ने भएको छ । कार्यक्रमलाई कम्पनीले “फ्री स्पोन्सर” अवधारणामा सञ्चालन गर्न लागेको जनाएको छ।
जिके साउण्डका प्रोप्राइटर गम बहादुर केसीले विगत २० वर्षभन्दा लामो समयदेखि इलेक्ट्रोनिक्स तथा साउन्ड सिस्टम व्यवसाय सञ्चालन गर्दै ग्राहकको विश्वास जित्दै आएका छन् ।
स्थानीय स्तरमा गुणस्तरीय साउन्ड, लाइट तथा इभेन्ट व्यवस्थापन सेवामार्फत परिचित बनेका केसीले फुटबलप्रेमीहरूलाई एकै स्थानमा भेला गराई खेलको रोमाञ्चक अनुभव दिलाउने उद्देश्यले यो कार्यक्रम आयोजना गरिएको बताए। कार्यक्रममा अत्याधुनिक एलइडी स्क्रिन, शक्तिशाली साउन्ड सिस्टम तथा प्रोफेसनल लाइट सेटअपको व्यवस्था गरिने जनाइएको छ।
