दुलेगौंडा । तनहुँको शुक्लागण्डकी नगरपाकिलाले आर्थिक बर्ष २०८०/८१ को बार्षिक बजेट¸नीति तथा कार्यक्रमका लागि जनस्तरबाट सुझाव संकलन कार्य सुरु गरेको छ ।
बिहीबार विहान राजनैतिक दल, नागरिक समाज लगाएत बौद्धिक व्यक्तित्वहरुको उपस्थितिमा सुझाव संकलन गरेको हो । जहाँ सहभागिले नगरले योजनाबद्ध ढङ्गले योजना छनौट गर्नु पर्ने बताए । उनिहरुक अनुसार नगरपालिकाले नगरको आवश्यकता पहिचान गरी प्राथमिकताका अनुसार बजेट बिनियोजन गर्ने नीति तय गर्नु पर्ने छ ।
कार्यक्रममा बोल्दै नगर प्रमुख कृष्णराज पण्डितले नगरपालिकाले अबको नगर सभा नागरिक सभाको रुपमा अगाडी लैजाने बताए । साथै सहभागिबाट आएको सुझाव नगरले व्यवहारीक रुपमा कार्यन्व्यन गर्दै अगाडी बढ्ने बताए ।
बुधबार दिउसो उद्योग बाणिज्य संघ, युवा क्लब, टोल बिकास, सामजिक संघ संस्था, मजदुर निर्माण ब्यबसायी संग सुझाब संकलन गर्ने भएको छ । त्यसैगरी बिहिबार बिहान बैक तथा बित्तिय संस्था, महिला, आदिबासी जनजाती, बालबालिका, जेष्ठनागरिक, दलित, अल्पसंख्यक, मुश्लिम संग र दिउसो कृषक, बन र खानेपानीका प्रतिनिधि संग छलफल गर्ने भएको छ ।
