दुलेगौंडा । शहीदकृष्ण माध्यमिक विद्यालयको जुनियर रेडक्रस सर्कलले तनहुँको शुक्लागण्डकी नगरपालिका–९ मा रहेको गौं संरक्षण केन्द्रमा २ बोरा चोक्कर र एक बोरा नुन सहयोग गरेको छ ।
विद्यार्थीले विश्व रेडक्रस दिवसको अवसरमा संकलन गरेको रकम मध्यबाट गाईका लागि चोक्कर र नुन सहयोग गरेको विद्यालयका प्रधानाध्यापक राजनप्रसाद खनालले बताए ।
सर्कलले सुशासन र समृद्ध शुक्लागण्डकी निर्माणका लागि युवा अभियानले आयोजना गरेको वृहत सरसफाई कार्यममा उक्त सामाग्री सहयो गरेको थियो । साथै विद्यार्थी र शिक्षकहरुले श्रमदान पनि गरेका थिए । उक्त कार्यमा बालविद्या मन्दिर माध्यमिक विद्यालय र तालबेसी माध्यमिक विद्यालयका विद्यार्थीको उपस्थिती पनि रहेको थियो ।
