पाेखरा । नेपाल खेलकुद पत्रकार मञ्च गण्डकीले पोखरामा आयोजना गरेको ‘ सातौं पोखरा स्पोर्ट्स अवार्ड २०७९’ मा क्रिकेटका करण केसी बर्ष उत्कृष्ट पुरुष खेलाडी बन्न सफल भएका छन् ।
बर्ष उत्कृष्ट पुरूष खेलाडी भएसंगैं केसीले इलेक्ट्रिक स्कुटर, ट्रफी र प्रमाणपत्र प्राप्त गरेका छन् ।
वर्ष खेलाडी पुरुषतर्फ क्रिकेटका केसी, आर्चरीका गंगाबहादुर कुँवर र टेनिसका प्रदिप खड्का प्रतिस्पर्धामा रहेका थिए । केसी बागलुङ, कुँवर तनहुँ र खड्का कास्की जिल्ला स्थायी ठेगाना भएका खेलाडी हुन् ।
