दुलेगौंडा । सातौ पोखरा स्पोर्ट्स अवार्डको चार विधाको मनोनयन सार्वजनिक भएको छ । जसमा बर्ष उत्कृष्ट पुरुष खेलाडीमा तनहुँका गंगाबहादुर कुँवर मनोनयनमा परेका छन् । उनि आर्चरी खेलाडी हुन् ।
नवौ राष्ट्रिय खेलकुद प्रतियोगितामा कुवरले ६ स्वर्णका लागि भएको खेलमा रिकर्भ मेन व्यक्तिगततर्फ गण्डकीका लागि स्वर्ण जिते । उक्त समयमा उनले पुलिसका तिलक पुनलाई ७–१ स्कोरले पराजित गरेका थिए । कुँवर आर्चरीको वरियतामा पहिलो स्थान थिए ।
बर्ष उत्कृष्ट पुरुष खेलाडीको मनोनयनमा क्रिकेटर करण केसी (बाग्लुङ) र टेनिस खेलाडी कास्कीका प्रदिप खड्का पनि मनोनयनमा रहेका छन् ।
सातौ पोखरा स्पोर्ट्स अवार्डमा बर्ष उत्कृष्ट महिला खेलाडी, उदयमान खेलाडी र बर्ष उत्कृष्ट प्रशिक्षकलाई पनि पुरस्कृत गरिने छ ।
