दुलेगौंडा । तनहुँको खैरेनीटारमा जारि शुक्लागण्डकी महोत्सव–२०७९ को अवसरमा आयोजित पालिकास्तरीय भलिबल प्रतियोगितामा बुलिङ्गटार गाउँपालिका (नवलपुर) र गल्कोट नगरपालिका (बाग्लुङ्ग) ले विजय सुरुवात गरेको छ ।
आज विहान भएको खेलमा बुलिङ्गटारले घिरिङ्ग गाउँपालिकालाई ३–० को सोझो सेटमा पराजित गरेको थियो ।
यसै गरि दोस्रो खेलमा गल्कोटले पोखरा महानगरपालिकालाई पराजित गरेको छ । जहाँ गल्कोटले ३–० को सोझो सेटमा पोखरालाई पराजित गरेको हो ।
प्रतियोगितामा भोलिको खेल शुक्लागण्डकी नगरपालिका र बौदीकाली गाउँपालिका बिच हुने भएको छ भने दोस्रो खेल वालिङ नगरपालिका र गल्कोट नगरपालिका बिच हुने छ ।
