दुलेगौंडा । अनिल, सागर, सराेज स्मृति कपको उपाधि आयाेजक रकगार्डेन युथ क्लबले हात पारेको छ । आज भएको फाईनल खेलमा आयाेजक `डि´ ले आयाेजक `ए´ लाई ३-० गाेलकाे अन्तरमा पराजित गरेको हाे ।
प्रतियोगितामा प्रथम भएसंगै आयाेजक `डि´ ले नगद ४० हजार र आयाेजक `ए´ ले नगद २५ हजार साथमा कप मेडल र प्रमाण पत्र प्राप्त गरेको हाे ।
क्लबका अध्यक्ष पाेषन गुरूङकाे सभापतित्वमा सम्पन्न कार्यक्रममा शुक्लागण्डकी नगरपालिकाका नगर उपप्रमुख खुमबहादुर विक (राजु), वडाध्यक्ष खड्क सिं थापा, वडा सदस्य गिर बहादुर थापा लगायतको उपस्थितिमा विजेता समुहलाई पुरस्कार प्रदान गरिएको थियाे ।
प्रतियोगिता १९ गतेदेखि सुरू भएको थियाे । जहाँ २१ टिमको सहभागी रहेको थियाे । हाेली पर्वकाे अवसर पारेर क्लबले स्मृति कप आयाेजना गरेको हाे ।
